Harhdamnak le Hnuhnun thu (Part 2) then hnihnak

 Harhdamnak le Hnuhnun thu (Part 2) then hnihnak

11. Fibrin enzymes dat pawl cu thaw pit nak, nasazet ih leh nak ruangah taksa nat nak, ruh cang pawl nat nak, thling nak pawl le vanzam mawtaw to nak ih ke thling nak, tha mal nak, titsa com, thihri com le ke dil nat nak pawl a zia ter a si.

12. A rah sungih paraoxonase dat than nak kham tu thilri pawl cu thi sungih Aci dat a kham sak lawng siloin, lung thihri a dar nak pawl kop cih ank le a tul lo mi LDL le HDL colostrum  pawl a do sak. Cuihleiah Vitamin K tampi um nak hnuhnun ei nak in lung nat a dam ter ih cell pawl tha a tha ter ih lung thi feh daan a tha ter. Lung nat thawn pehpar mi taksa zeng nak nat ihsin khal a kham thei.

13. Hnuhnun cu ni hnih asilole ni thum ei ringring nak in a rah sung ih a tel mi gliadin protein cu ril kap pawl ah that nak a pe ih a tul lo mi ril ih khuk rul pawl khal a fai ter ih, hnuhnun sungih a um mi protein dat pawl kha ril in a zuk ih taksa sungah tha zang a pe. Ril pi sungah nat hrik luh ank a kham sak thu, rawl rial nakah tampi a bawm ih, ril pi cancer can thei nak a kham tiin sii tam zohhliah nak in a pom hngek. Ahleicein hnuhnun ti cu fanghma, pe pawl thawn ei tlang tikah thil tha lo pawl a hlo ter ih ril pi a fai ter.Ril pi cancer a um ter lo law law. Zing tin zing rawl ei theh veten hnuhnun hmin ei nak in rawl feh daan a tha ter ih awm nat nak pawl a dam ter.  

14. Tuluk sii zingzoi tu pawl khal in hnuhnun hmin cu lak phak suak pawl thawn an in tlang theu.

15. Calcium Tattuh dat a tel ruangah ruh pawl a hngek ter.

16. Potassium a tel ruangah thithang nat nak a cang ter lo.

17. Hnuhnun hmin cu taksa sungih a tul lo mi freeradials pawl a dawi sak ih cancer cell pawl a thi ter ih hnawi cancer pawl, thi cancer pawl tampin a do sak.

18. A rah sungah anti-in flammatory enzymes a tel ruangah hnuhnun ei lawng siloin, hnuhnun thling thawn vun par ih hnih tikah hma a dam ter. Vun ih puui parah hnih asile a dam ter thei.

19. Vitamin le Tattu dat pawl a tam ruangah hnuhnun cu hman hman ei nak in thirang cell pawl suah nak tha a pe ih, taksa nat kham thei nak a sang ter. Dai ngah ih rai bur, awmnaa cutivek tikcucaan zir ih nat pawl a kham. Hna sungih hrik luk tu pawl hrangah hnuhnun in that nak a pe.

20. Hnuhnun sungah vitamin A tampi a tel ruangah thaw thawt nak zin ih harhdam nak hrang nak a pek ruangah nauvon tu nu pawl hnuhnun ei ank in pumsung fa pawl nun phung suah keh nak ruangih thawthawt nak ih that lo nak in a luat ter.

21. Vitamin A tampi a tel mi hnuhnun ei nak ruangah kuak fawh nak thawn a peh par mi lung nat lawng siloin khuhkhuh ih thi tel nak le awm har nak in a luat ter. An zingzoi nak vekin hnuhnun ei nak in kuak fawh duh nak thinlung a mal ter tiin an sim.

22. California phunsang tlawng ah minung 13000 an zoh nak ah Vitamin C amal mi nunau pawl Hnit lamih nat a ngah tu pawl, Vitamin C tampi ngah tikah titsa pawl a thian fai ter ih lun nat a dam ter. Curuangah Vitamin tampi ngah nak dingah hnuhnun ei a tul thu ruah nak pe in an rak forh fial.

23. Khuai hen nak khal ah hnuhnun in a tur a dam ter thei.

Hnuhnun mu le harhdam nak

1. Hnuhnun mu kha cawhnawi thawn phawi ih in nak in hngawng thahri bol nat a dam ter thei thu cu Nigeria sii lam mifim pawl in an sim.

2. Taisen nat a tuar tu pawl hnuhnun a mu le sa pawl tidai tampi rawi ih in nak in nat a zia ter.

3. Nauhak pawl khukrul suak thei dingah hnuhnun mu cu thaniah ti asilole khuaitizu thawn rawi in ei ter aw. Kum upa pawl khukrul ruangih pum a nat asile, hnuhnun mu hai khat hrawng cip ten keu in nikhat ah veithum ei ter aw.

4. Hnuhnun mu cu thin ih tur pawl a hlo ter. Kum reipi thin nat nei pawl hrang khal ah ei dingin Tuluk siithiam pawlin ei ding in ruah nak na pe.

5. Hnuhnun mu kha ro ko in pho in phom in khuaitizu thawn rawi in nikhat veihnih, malte in nak in ruh le cang nak a dam ter thei.

Harhdam nak hrangih a tha mi hnuhnun ih a thling

1. Haite thawn a hawng rit in ei le a tha. A hawng kiang ih a thling ei ank in pumpi cu that nak a pe.

2. Hnuhnun thling in thakthak pawl dam ter tei nak a nei ih, vun par ih a thak mi a cang asile hnuhnun ihsin a suak mi a thling hnih tikah a tha. Hnuhnun pum khat kha a zik kah nam thawn at ina suak mi a thling thawn a thak mi ah hnih aw. Cui hnuah thi a suak asile hma dam nak sii pakhat khat hnih in cui a thawk mi pawl cu a dam ter a si.

3. A bol, a puar mi pawl le taksa na pawl hnuhnun thling hnih nak in a dam ter.

4. Hnuhnun in tur a that thei. Curuangah hnuhnun kha a zim in tan in, rul, varngen, khuai tivek tur a nei miih keu nak hmun ih ben nak in tur a reh ih, a naa mi khal zamrang zet in a dam thei.

https://www.youtube.com/watch?v=demHVe-Wgks