Hlawhtlin nak donkhamtu thil pawl

 Hlawhtlin nak donkhamtu thil pawl

          Kan nih kan hlawhtlin nak in khamtu tumbik cu tlaksiat ding kan tihnak thinlung kha a si. Mi tamsawn cu hlawhtlin nak ngah lo in caan tha kan hloh ringring nak cu an mah pawl cu hlawhtlin nak ngah tikih lungawi nak aiin tlaksiat nak an ton ih an thinhar ding kha an tih sawn ruangah a si. Ttong ih a um vek ih “Minung pawl cu vanram thleng kan duh cio. Asinan zo hman in thih kan duh lo”. Cutivek thotho in mi tamsawn cu milian mineinung si dingah kan ruat ko nan tlaksiat ding cu thih nak vekin kan tih. Curuangah si vanram ziangtik hman ih kan hmuh lo.

          kanmai nunram lamtluan khalah tlaksiat kan ton hnu lawngah hlawhtlinnak kan ngah timi kha ka theifiang. Thlirleng kan to thiam hlan tiang cu tuletu kan tlu ringring. Kohtii pakhat tal hlo ter ta lo in Kohtii thawi thiam an um lo vekin veikhat hman paisa sung ta lo ih milian khal hmuh ding an um dah lo. Kan nunram ah hlawhtlinnak kan co duh a si le tihnak, thinlung ruatnak pawl kan uk thei ih ziangziang khal kan thluak thawn kan ruat, kan botcat ih ngam takih kan pahtlang dingkha a thupi mi asi.