Nunram nangmah ten na pahtlang nak ah beidong hlah

 Nunram nangmah ten na pahtlang nak ah beidong hlah

          Mah ten lawng na si len mahte lawngih um zuam aw. Na thanau hlah mi zaten thiam famkim cia ih suak mi an um lo. Nunram cu mahten sersiam mi a si. Nunram cu Long fate thawn a bang aw. Mai tumtah nak thleng dingah mai hruai a tul. Zo hman va rin san hlah. Paisa nei lo ih leitlun ih um cu tha a nau. Duhdawt nak ti mi tla paisa neih lawngah duhdawt nak a um. Sungkhat ti mi khal sui neih lawngah an sungkhat aw. Hi cu leitlun minung pawl ih ti dan pawl a si.

          Mai thuanthu mah ten ngan ding. Mai feh nak lamzin mah ten sial ding. Mi tinkim cu kan rem can a si len in cohlang tu an um ko nan kan rem can lo a si le zohman in in ngaih sak lo. Nunram ti mi cu mah ih tuar dah lawngah zawnruah nak an nei. Nunram cu a niam a sang a thleng aw rero. Tla thul sang thul a si ko. A niam  ringring lo. Thlengawk nak ti mi cu a um ringring. Hi pawl cu theih nakih nunsim nak ih lak thiam a si le lungkim nak a si. Ziang a si khal le leithlun lemcan nak sinpar (donhleisang) ah mita din hmun ih tuan caan a um vek in veikhat veihnih misual dinhmun ih tuan caan khal a um ding.

          Riahsia in um hlah na tha khal nau hlah caan tha ti mi cu veihnih a ra dah lo a si. Ruat sal in thin har le sir aw in um nawn hlah. Tuar aw ttang aw vansiat nak pawl a cem len van that nak a thleng ding. Thlipi a hran theh in zir thli nem a hran bang in.

A thupi bik cu thinlung pacang ding kha a si, thin thanau lo in, nunram kha sung ter hlah. Hlawhtlin nak a um vek in tlaksiat nak khal a um theu. Hlawhtlin khal len na tlaksiat khal len a thupi bik cu nunram  hrangah tuar thei nak nei in le thinlung pawl a siat ih a sawn lo ding a  thupi sawn a si lo maw?