Banhla le Harhdamnak (Part 2)

Banhla le Harhdamnak hrangih a tha hnem mi thu (Part 2)

11. Banhla hman hman ei nak in tikcu thleng nak ruangah a cang thei mi dam lo nak pawl a kham.

12. Taan dat tampi a tel ruangah thi sungah Hemoglobin suah nak a thang phok ter ruangah taksa hrangah taan dat tul mi a silh khat sak ih, thi mal nat suak nk a dam ter thei. Cui hlei ah thi zamrang zet ih tamsal thei nak kha a neih ruangah rin lopi ih hma, nat nak tivek hrangah banhla in thi suak tamtuk lo dingin a kham thei.

13. Thi sung ih a thlum mi a kil veng thei ruangah nau pai mi nu pawl rawl ei theh tinten banhla hmanhman ei nak in, tak saa a mah kel ten cang ter nak, taksa hrangah a tul mi glucose silhkhah sak nak cutivekin a tha mi hlei ah, zing thoh pek luak nak khal a cang ter lo. A dai mi rawl a si vekin, a suak ding mi naute pawl a saa mi in luat dingah Thailand ram ah hlailai nunphung tiin nauvon nu pawl cu banhla an pek theu.

14. Vatimin le tattuh tat a um mi banhla ei nak in thazang cah nak a tam ter a si timi cu zumlo ding a um lo. Exercise tampi tuah hnu bang tuk nak hrang khalah banhla in zamrang zet in tha a tam ter.

15. Banhla ih a tel mi ahmin tat sung pit nak a kham.

16. Taan tat tampi a tel ruangah hemoglobin tuah thei nak that nak a pe ruangah banhla ei nak in nunau dan neih laiah nat nak a zia ter.

17. Zuu ruangih nat nak hrangah banhla pum (2) kha cawhnawi thur, khuaitizu malte thawn a rawi ih phawi mi inn nak in pumpi naa le rit nak um nawn loin, taksa sung Vatimin pawl a khah ter sal thei.

18. Pumpi feh daan a that ruangah pumpi sung le ril pawl a dam ter ih, acid tivek a thur mi khal a um ter lo. Cui hleiah banhla sungih dat pawl cu probiotic bacteria pawl dam nak a pek ruangah pumpi feh daan a tha ter.

19. Inn ih hninsi cin tikah a kung a tha ih, a par tumpi a par thei nak dingah a hram ah banhla hawng ret tikah dawm bang in hman a theih.

20. Meisa kang tikah banhla a ba ret sak in a parah puan paate thawn tem nak in a puar mi pawl a dem ter. Banhla cu a dai ih ei mi a si ruangah taksa sung a hlum dat a tam mi pawl in ei a tul.

21. Tha hri cat nak le tii khal nat nak hrangah banhla in a nem ter thei.

22. Pum nat hrangah banhla a hmin zet mi cite malte thawn ei nak in a dam thei.

23. Banhla sungah Protein le a al mi malte lawng a tel ih Kaci tat tampi a tel ruangah kal damlo nak a kham thei. Kal a dam ter ih cancer can thei nak a mal.          

24. Banhla kung kah hlamhmai thawn polsawk in a ti ih in tikah kal, zun inn ah lungto um thei nak a kham.

25. Banhla sungah potassim le sodium bangran zet in a tel ruangah lung harhdam nak tampi a bawm.

26. Banhla sungah electrolytes tampi a tel ruangah taksa sugnih tidai dat mal nak a kham thei.

27. Potassium a tel ruangah ruh tha a tah ter.

28. Nunau pawl cu banhla kha karkhat ah veili ihsin vei ruk tiang hmanhman ei nakin kal cancer cang thei nak zatek 50 a mal ter thei thu the internal journal of Cancer tiih kawh mi siilam thuthang ah an lang ter.

29. Taksa hrangah that nak a pe tu thi hlum rang a suah ter thei.

30. Banhla cu pumkhat lawng ei nak men in a tha ih san a nei thei ruangah taksa rih nak a tla ter duh pawl hrangah banhla in a bawm thei.

31. Ban hla ah a thlum dat a tel ruangah a thlum tampi ei a tul tikah banhla ei nak in harhdam nak hrangah a tha.

32. Ezipt ram le Rome ram pawl ah hlanlai pi ihsin banhla cu nunphung daan mawi nak ah an rak hmang theu. Banhla sungah Amino acid a tel ruangah taksa le sam mawi nak hrangah tampi'n that hnem nak a pe.

33. Banhla hawng kah siihlik par ret in a par in palastic thawn uam nak in siihlik a that thei. Banhla hawng thawn haa rawt nak in a eng mi haa pawl a var ter.

Banhla hi kan lai tlang lam ah tla cun ol te in ngah thei mi a si ruangah sumpai tampi cem tul lo in kan harhdam nak kilkhawi tlang cio uhsi.  

https://www.youtube.com/watch?v=5L4F7nsUZRg