Cinghnia vek minung pawl kha ralring uh

Cinghnia vek minung pawl kha ralring uh

     Khuahlanlai ah Cinghnia pakhat cu saa kha duhham zet le thaw tizet in eiphah in a daang ah saruh pakhat in a sun ih a tang ngah. Saruh kha phui le a ngah lo dolh le angah lo ruangah a daangah natnak a tuar lawnga silo in rawl dang zianghman ei a ngah nawn lo ruangah rilrawng tla kha a tuar cih.

             Cinghnia cu a daang sung ih saruh a phorhsak thei tu ding ramsa kha a ruat ih nga thur va kha a vun mang sal. Ngathur cu a hmur le asau a hngawng le asau ruangah a hmur a hrolh ding ih saruh kha a dir suak thei ding ti kha a ruat. Cutin nagthur um nak kha a feh ih zangfah bawm nak adil. “ Ka rual i bawm hram aw ka dang sungah saruh pakhat a tang ih ei thei lo in thei lo ih ka um nak arei zo. Na hmur thawn keu in na dirsuak le a ngah thei ding. Cui saruh asuak in lungawi thu ka lo simding” ati.

            Cinghnia ih zangfah bawmnak dil nak ruangah Nga thur in Cinghnia kha a kaa a ann ter. A hmur saupi thawn le a tezet mi a hngawng thawn Cinghnia ih dang ihsin a hngawng sungah a thun ih a tang mi saruh kha keu in a dirhsuah sak. Cinghnia kha a nat nak a hloh ruangah a lungawi zet. Ngathur kha lungawi thu asim ih a tlansan. Ngathur in a dung in asut “Ka rual na tongdan cun saruh a suak le lungawi thu ka lo sim ding na ti kha ziangah si na tlan” tiah ati. Cutikah Cinghnia in dung a her ih a ttong “ka rual lungawi thu kha ka lo sim theh zo. Ka kaa sung a thlengmi na luu kha keu lo in ka ret kha lungawi thusim a si zo ka lo deh lo kha lungawi sawn aw” ati. Cuvek in kan mai that nak lawngzoh ih midang hrang ruatsak nawnlo tu Cinghnia vek minung pawl tamtuk an um thlang. cuvek minung pawl thawn tonawk le a dang harsat nak in pek nawn lo kha kan lungawi sawn ding. Nehhnu ralring ih kom ding asi.