Duhdawtnak pawl a cat ter tucu kaa kil thei lo ruangah a si.

Duhdawtnak pawl a cat ter tucu kaa kil thei lo ruangah a si.

Kaa kha temtha aw. Minung zaten an mai bulpak thu thinlung lam ih harsat nak ti mi an nei cio.

Midang theih ter duh mi a um vek in midang theih ter duh lo mi pawl khal a um ve.  Curuangah Pawlkom nakah theih a si ko nan thei lo vek ih um caan aum vek in thei na rori nan tong lo ih um sak caan khal a um.

Hi tawk ah zawmruah nak cu mi pakhat ih si nak kha a lang ter.  Rualpi taktak ti ih ruah mi mihrek khat cu mah ih bulpak thuhla pawl kha relsiatnak kha luar tuk ih sim tikah  mah in a thuhla theih a si konan thei lo vek ih um caan khal aum.

Nehhnuah  luartuk ih sim mi thei sal tu pawl in minautat vek in mi an ra sim sal tik ah ziang hman leh rul sal nawn lo. A sinan tuar thei nawn lo ni nikhat ah an biak sal tik ah pakhat le pakhat mithmai an zoh awk thei nawn lo ding. Rel duh mi cu ziangruangah pawlkom nak ti mi ah daan ret a si lo?

Ziangruangah mah kaa kha dun le daan nei ding in an kil khawi lo.  Ziangruangah midang ih thuhla nuam awk na duh? Kei tla nikhat a mah vek ka tong thei ti mi ruah nak neih ding a tul. 

Mipakhat ih sinak cu paisa thawi lian nak asi lo. Mipakhat ih sinak cu kaa kilhim ding le zawnruat, theihthiam ih bawmawk ton ding asi.