Duhham mi Vate

Duhham mi Vate

          Veikhatah thingkung pakhat parah vate pakhat a um. Cui thingkungah a dang vate pawl khal an um. Cui vate cu a lungawi caan len hla a sak theu. Cui vate hla a sak caan len a dang vate pawl an thinlung a ti buai theu. Nikhat cu vate dang pawl in cui vate kha an dawi. Curuangah cui vate cu Tuupi leng ih thingpi ro pakhat ah a thawn.

Tawk fang a rei hnuah vate pakhat cu cui thingro ah cun a ra thleng. Beidong tak ih a to tu a phunpi vate kha a ra hmuh tikah ziangruangah beidong in na um tin a sut. Cuti a sut tikah cui vate in “Kei cu tupi sungih thingpi kung ah ka um. Ka lungawi caan ah hla ka sak theu. Nikhat cu cui thingpi ih a um ve mi vate dang pawl in ziangruangah hla na sak theu tin in sut. Cuti in sut tikah keicun ka nom awk dingah hla ka sak. Hla sak lo in ka um thei lo tin ka sawn. Cu then in an zaten in kulh ih in dawi” tin a sim.

Cutikah a dang vate in a phi na pek sual si. Na phi cu mah hranglawng na ruat ih duhham nak a si. Nang cu nangmah le nangmah na uk aw thei lo. Khai vate pawl in kei tla khai thu sut nak vek in sut. Cui in sut mi ka phit sal mi cu “Kei hla ka sak cu nan mah pawl ka lo nuam ter duh ruangah a si” tin ka phi. Curuangah si khai thingpi par ih tu tiang ka um thei nak. Kan nih pawl cu kan tong tikah kan fimkhur a tul.

          Curuangah si tongkam thiam pawl cu ral an nei lo an ti vek in, rawl ei daan thiam tu pawl cu nat nak an nei lo” tin an ti theu.