Fa le pawl hi nga pathum thu sim uh la nunram hrangah man a nei zet.

Fa le pawl hi nga pathum thu sim uh la nunram hrangah man a nei zet.

1. Chum Salmon nga

            Chum Salmon ngapi cu ti a tit theh in ti thawn a hlat tuk lo nak in a kil. A suak pek mi nga cu rawl an hawl thei loih an nu ih taksa an ei. Chum Salmon nga pi cu a fale pawl ih an ei nak nat an tuar. Chum Salmon ngapi cu leitlun ah a thabik mi nui duhdawt nak awn au lo ten a pek tu an si. Chum salmon nga cu nui duhdawt nak a famkim mi nga phun pakhat a si.

2. Northern Snakehead

            Hi nga phun cu ti an tit ihsin an mit pahnih a caw tiin an sim. Nga cu an mit a caw ih rawl an hawl thei lo ruangah rilrawng an tuar. An ti ihsin a suak mi thawng tampi cu an nu rilrawng in a thih ding an zoh ngam loih pakhat cair an nu ih kaa ah lut in an nu rawl an pek. An nu cu a dam ko nan nga te pawl ih an nundam nak cu then hra then khat lawng a si. An nu hrangah an nih cu an no lai nunnak an pe. Northern Snakehead nga cu nu le pa a upat tu nga an si.

3. Salmon nga

            Kum tinten ti an tit caan a thlen in salmon nga pawl cu lam hla pi kaan in tipithuan thum ihsin leipar ih ummi an khua le ram tiva ah an tlung. Salmon nga pawl ih an tlun nak lam cu a harsa tuk ih CCTV in ramsa pawl thu ah tla an thlah dah. Inn an tlun lam ah tlaser pawl an tan. Tlaser kiang khalah savom pawl a run run in an um. Tlaser a tan thei lo tu salmon nga pawl cu savom pawl ih rawl an si.

            Tlaser a tan thei tu nga pawl cu an luat thei nan khau pi pawl ih deh nak an tong lai. A van tha mi nga lawng thih nak in an luat. An khawl cia mi thazang pawl a cem in salmon nga pawl cu an umnak hmun an thleng ih an nunsung ih a thupi bik asimi bu, ti tit nak an tuah. Cuihnu in an suah nak hmun ah daiten an thi. A hmaikum thok ah salmon nga te pawl an keuh. Cuihnu in tiva ihsin an fen ih, an tuah daan kel in a harsa mi lamzin an thok. Salmon nga cu an suahnak ram duhdawt tu nga an si.

            Hi leitlun ah a malbik nga pathum in nun daan in zirh. A hmaisabik nga cu nu asiih kan nunram hrang nunnak a pe. Amah tan in hla pi a feh tu ding kanmah pawl an kut in in thlah. Sir awk nak um lo, ruahsannak zianghman nei loin an pek awk thei zat in an pe aw.

            A dang nga pakhat cu fa le pawl an si. Pum sung in suah ihsin kan thi sen zom an si. Cumi ihsin thokin tar tiang hmunkhat ten um ding tiin an zum. A dang pakhat cu suah nak ram asi. Ziang tluk a hlat nak thleng khal le, ni khatkhat caan khatkhat ah inn tlung nak timi lamzin kan zawh ding. Kanmah pawl cu mah lawng a pak mi nga ruun khat kan si. Hi leipar ah  rinlopi'n kan thleng. Cuihnu hi leipar ah um in kan nun ram ih cui nga pathum kan duh cio. Hi nga pathum pawl ih um daan fale pawl thuanthu simnak in kan fale hrangah mit varnak le thil tha an thei thiam ding a si. Curuangah fa le pawl thuan thu simnak in an nun daan ding tampi a bawm thei tih kha mang sal in fale pawl an no laiah thuanthu sim daithlang lo ten sim tento uh si. 

Source _ myanmartadin

Google image