Fa le pawl an nauhak laiin pehtlaih ih komawk daan thiam dingah lamhmuh thei tu thu (7) pawl

nauhak_nunram_nunphung_pehtlaihnak_ziaza_le_thansonak

Fa le pawl an nauhak laiin pehtlaih ih komawk daan thiam dingah lamhmuh thei tu thu (7) pawl

              Fale pawl an nauhak lai in mi kom daan thiam dingah lamhmuh nak cu an nunram hrang tampi bawm tu a si. Nauhak pawl cu a tlangpi thu in rualpi an duh zet. Curuangah nauhak pawl mi thawn pehtlaih nak ah tlem vivo dingah tuah daan pawl cu himi ihsin kan run lo sim ding.

1. Mit le mit pehtlaih awk daan

Khat le khat baik awk tikah a sim tu ih mit thawn pehtlaih thiam dingah nauhak lai in zirh aw. Kaa ih sim ih hleiah mit thawn khal pehtlaih awk tikah nel awknak a ngah ter ih mah le mah zum awknak khal a tam ter. Asinan mit le mit pehtlaih awk tikah zohawk daan tha ding khal a tul lai.

2. Lainat nak thinlung

Mi puitling si dingah lainatnak thinlung a thupi. Nauhak thawn tv zoh tlang tikah zoh mi ih thuhla par bun aw in lainat nak thinlung ret in zirh a ngah. Cuihnu nauhak ih a hmuh daan thaten sim thei dingah lam hmu in on sak aw. Lainat nak thinlung cu pehtlaih awk nak ah a thupi bik mi a si.

3. Thinlung ruahnak

Nauhak in thinlung ruahnak a thleidang thiam zo asile thinlung ruahnak par ah bun aw in ziang tin langter ding, ziangtin lehrul ding timi a thei thiam. Nauhak a ningzak thiam asile a ruahnak langter dingah a remcang mi dinhmun pakhat pe aw. Cuihleiah nitin nunnak ah "Ka lungawi, Zangfah ten,…) timi tong pawl hmang thiam dingah zirh aw.

4. Mah le tik cu caan

Mi tinkim in mah le tikcu caan um nak hmun neih a si. Nauhak kha amah te caan, hmun la thiam dingah sim a tul vekin midang ih caan, hmun khal upat thiam dingah zirh aw.

5. Lek nak

Nauhak pawl pehtlaihawknak thang dingah a ol bik mi cu midang nauhak pawl thawn lek dingah on nak a si. Nauhak a dangten amah lawng lek ter nak cu upat tiang pehtlaihawk nak ah tha  a mal ter. Lek tu khat le khat theih thiam awk nak, daan ret nak, zangfah nak thinlung hnatuan tlang thiam nak, hoha thiamnak, zangfah nak cutivek pawl nauhak khat le khat lek nak in thiam a theih.

6. A dang tuah bet ding mi

Nauhak cu a khuk hri pawl thawn pehtlaih awk nak ah an rem aw asile a dang pakhat tuah bet a ngah. A leng lam ah ral tha zet in sim thiam dingah, relkhawm thiam dingah, buainak pawl fel ten tuah thiam dingah zirh a ngah.

7. Nunram taktak ah nung thei nak pe aw.

Nauhak cu mi a kom nak ah a thiam zet asile zo vek thawn khal siseh rem ten um a thiam zo. Social media thawn a caan a cem ter ringring tu cu mi pehtlaih nak ah a tha a mal ding. Na fa cu mi a tih asile lek fial nak, lek nak hmun ah nauhak dang pawl thawn lek nak pawl tuah ter aw.  Hi mi thu cu Love Media ih tarlang mi sungin kan run lo hlam mi a si. Casiat tu zate parah hlawknak um in nun pi cio dingah duhsak nak kan run lo hlan a si.

Add new comment

1 + 1 =