Fanu pawl nauhak lai ihsin zirh tul mi a thupi mi thu (4)

nauhak_pawl_kum_hra_an_kim_hlan_ih_zirh_cia_tul_mi_nun_tu_zia_paruk

Fanu pawl nauhak lai ihsin zirh tul mi a thupi mi thu (4)

            Nu in fanu pawl nauhak lai ihsin theih tul mi pawl zirh nak cu an upat hlan le an upat hnu tikah mahlemah kilkhawi aw thei dingah a tha bik a si. Cutilawngah fanu pawl ih nunram ah lenglam, thinlung lam nat nak um loin a nuam mi nunram an din thei ding. A hman mi thinlung thawn daan tha nei dingah nitin nunram ah thiltha hmuh thiam nak thinlung, lungawi thiam nak, exercise tuah ringring nak le a harhdam mi inleei pawl ei thiam dingah zirh nak cu nauhak lai ihsin zirh a tul. Cutilawngah upat hlan le upat hnu ah anmai nunram kha thaten an din thei ding.

1.Thenkhat thuhla kha thaten el thei dingin zirh aw

            Nupa a tamsawn cu mai fale pawl felfai ten tong thiam dingah, midang upat thiam dingah, midang siatsuah loin an duh mi kim thei dingah cutivek pawl an zirh thiam. Himi cu a tha mi tuah nak a si. Asinan nauhak pawl kha ziang mi pawl thaten el dingah timi khal zirh a tul. Leitlun ah nauhak pawl cu thinlung, taksalam dik loih hman an tuar. Curuangah theih tul mi thuhla pawl ziang tin el ding timi zirh ding a tul.

2. An mawi nak man ret thiam dingah le zoh thim tlak thil tha cawng thiam dingah zirh aw

            Mithiam pawl ih an sim nak vekin nunau pawl cu an taksa um daan an diriam lo nak thu cu an tak sa rih ding an tih zet tiin nu pakhat in a sim. A san cu fanu pawl cu an taksa um daan ah an ning a zak ih mah le mah man ret awk nak, rawl nasa tuk ih einak, thanau nak buainak pawl an tong. Curuangah anmah parah body shaming a cang ter tu cafang pawl kha theih tawk in hmang lo dingah a tul. Mahlemah man ret nak cu taksa, thinlung hrang a tha mi a um thu thei thiam dingah sim a tul.

3. Mah vial ih felfai ter dingah a ngah lomi thuhla pawl bomnak dil dingah zirh aw

            Thinlung a hnget khoh mi nunau pawl ih thuhla pawl cu a hlan lai pi ihsin a rak um. Asinan nauhak naunau pawl hrangah midang bomnak dil ding a tul caan a um. Hivekih bomnak dilnak cu thamal ruangah cu asilole thiam nak theih nak a famkim lo ruangah siloin minung pakhat ih tuah thei nak rikhiah mi ruangah asi timi thei thiam dingah simfiang a tul.

4. Mah paih mi thawn lungawi nak hawl in tuah dingah zirh aw

            Mah le mah upat aw in tangdor in midang pawl thazetin a biak thiam mi tidaan cu lungawi nak le duhdawt nak nei thei dingah a thabik lam a si. Asinan mah pakhat lawng ziangkim rinsan nak cu hmailam ah buainak a cang thei. Curuangah mahlemah upat nak thawn zumawk nak ih a hrampi cu mai thinlung sungah um in mai lungawi nak kha mah rori tuah thei timi theithiam dingah sim uh.

Photo courtesy- google image

ref- youaremom

Add new comment

5 + 2 =