Fate in ziaza sia nei pang lo dingah lamhmuh mi tidaan pawl

         Na fate in na duh lo mi pakhat khat a tuah a si le ziangtin nun na sim ding? Ziangtin naihniam ding ti mi a thupi. Na lamhmuhnak parah nauhak pakhat ih ziaza a that thei vekin a siat tla a sia ter sinsin thei. Curuangah na fate ziaza tha ngah dingah forhfial thei mi tidaan pawl ka lo hlawm.

A tha mi ziaza pawl ngah dingah ruahnak pekmi pawl

Zohthim tlak in um aw!

         Na fate lamhmuh dingah nangmah rori in ziaza tha hmang aw. Na fate in na tuah mi pawl cawng dingah a lo zoh rero kha thei aw. Na sim mi hnak in na tuah mi pawl a thupi sawn. Na fate kha ‘zaangfah ten’ ti mi tongfang na tong ter duh a si le nangmah rori tong hmaisa aw.

Na fate lawm aw!

         Na fate ih ziaza tha pawl lawm aw. A tha mi thawn lehrul aw. Tahthimnak ah “ka fapa te hi tha ten na lek thiam. Thlaalangkhuat pawl khal cabuai parah tla lo ten na lek thiam thei mi te kha ka duh” ti vek in lawm aw. Hi mi in na fate kha ‘Hey! Thlaalangkhuat pawl kuai ter hlah tiih sim hnak in a mah ten ralring thiam dingah a tha zawng ih ralrin peknak vek a si.

Nauhak te ih kiangah um aw!

         Nauhak thawn naiten um tikah a tuar rero mi a si lo le a ruah rero mi pawl na lak thei ding. Nauhak thawn nai ten umnak in a ziaza thawn pehpar in ruat thiam dingah a bawm.

Thatho ten ngai aw!

         Na fate a tong rero laiah lu sut ih ngai mi vek le a tong rero mi pawl, a tuar rero mi pawl sim sal mi pawl vekin tuah aw. Hi vekih tuahnak in an mah upatnak le hnemnak a ngah ter thei. Thinhengnak tla thin a fual ter.

Thukam vekin tuah aw!

         A tha mi thukam siseh, a tha lo mi thukam siseh, na fate na kam theh le na kam vekin tuah sak aw. A tha mi thukam pakhat na pek theh tikah a beidong dingin na tuah lo ding ti a thei ding. A lo zum ding. Cu cun a tha mi ziaza pawl zir a zuam ding. Hi thuhla a rak pawl cun nauhak pawl ziaza tha nei dingah ziangtin tuah ding ti nan thei thlang ding zum a um. Kan RVA page ih tarlang mi pawl nan duh a si le like and follow tuah dingah ka lo sawm.

Photo -Google image

ref: raising children