Hardamnak le Hnuhnun thu (Part 1)

Hardamnak hrangah Hnuhnun ih that nak (1)

            Hnuhnun cu Kawlram lawng ah siloin, Leitlun huap ih hman mi rawl khawh hnu ah tla ei theu mi a si. Ti ah tuah in, ausmufausm hnuhnun Miss Cheikh, Domino, hnuhnun bawl, bawl mi phunphun, hnuhnun phawm, hnuhnun kau tiin khal siseh, ramsa vekih a hmin har mi pawl thawn suan tlang tikah a hmin ol ih a thaw khal a thaw ter. Nga/ Kaikuang pawl hnuhnun hnah thawn zual ih suang nak khal in siseh, pum sung thli mal ter dingah hnuhnun hnah note ei ank in siseh, hnuhnun a pa mi kung ih a par pawl suang in, ei nak in siseh ei theu a si. Cui hleiah a hnah cang mi, a no mi pawl ngapih ti thawn ei tikah a thaw zet.

Harhdam nak hrang hnuhnun

            Hlan minung pawl cun "zinglam hnuhnun, zan banhla" tiin tong fang an rak neih vekin, India siilam ca khalah hnuhnun cu a thawt lawng siloin harhdam nak hrang ih a that tuk thu cu an sim. Christopher Columbus cu khual a tlawn laiah lawngpi a to pi pawl an ri ih luak nak, haa ni thi suak nak le nat nak a phunphun hrangah hnuhnun a ei ter ih hmuh theih rori ih an dam ruangah hnuhnun cu "thingrah pawl ih khuavang nu" tiin an ko tiin hlanlai thuanthu ah a rak um. A hman. A rah lawng siloin, a mu, a hawng, a thling, a hnah, a kung, a hram zaten harhdam nak hrangah a tha. 100 g a um mi hnuhnun sungah Vitamin A 1750 I.U, Vitamin B 0.03 mg, Ribo Flavin 0.04 mg, Niacin 0.3 mg, Vitamin C 56 mg, Calcium 20mg, Tandat 0.3 g, Calory 39 pawl an tel. Cuihleiah thing thei rah sung ih dang lam zet le malte vial hmuh thei mi Papin dat pawl tampi a tel ih hleiah Maganes, Lime, Zinc pawl khal an tel.

1. Hnuhnun sungah pumpi a tha ter thei tu Ahmin dat tampi a tel ih, Colostrum a mal ter thei ih hleiah, a thlum ih a hmui mi mal te ei nak hman in rilrawn nak a reh ter ruangah, taksa rih nak hman hman a a um duh tu pawl hrangah a tha tuk.

2. Laa le thing thling nat hrangah a hmin zet mi a rah kha cite thawn khal siseh asilole hnuhnun rah a kuh mi a ti kha cini thawn rawi in nikhatah veithum hrawng ei nak khal in siseh a dam ter.

3. Zun thlum nat nei tu pawl hrangah hnuhnun rah a kuh mi pum khat tidai thawn fai ten kholh in a rah nak in nam thawn at tikah a mu pawl haite thawn la thluh aw. Cui hnuhnun ih a sung ah vufzufajcmuf a tawk zawng ret in tisa a so mi ah thlak aw. Cuihnuah hnuhnun on nak hmun kha phit sal awla minute 5 hrawng ret aw. Cui a rah sung ih ti cu nikhatah veithum, thlakhat hrawng in nak in zun thlum a zia ter ih thla thum hrawng nitin in nak in zun thlum nat a hlo thei.

4. Hnuhnun hmin cu zun feh daan a tha ter ih kal nat nak le kal sungih lung to um nak pawl a hlo ter.

5. Pelh lo ih pum tha lo pawl hrangah hnuhnun note kha ro dingin ni sa ah pho in dip theh ding in rial in mal te vial ei nak khal in a dam ter.

6. Hnuhnun a hring mi kha at in a suak mi ti cu hma ih hnih nak in a tur a hlo thei.

7. Hnuhnun a note a hring mi kha cite tawk ih ei nak in or/ dang pit nak a dam.

8. A rah sungih a tel mi Vitamin A le Vitamin C pawl cu mit ih thi feh daan a bawm ruangah thil hmuh thei nak a tha ter ih, mit tha a tha ter. Sa hlah nat, mit sung ih nat nak le kum upa pawl ruangih mit malh nak pawl a kham.

9. Nunau pakhat hrangah nikhat sung tul mi Tan dat a tul mi zat cu 400 mcg a si ih, nau hnawi fawp nei pawl 500 mcg a tul ih nau von laiah 600 mcg ni tin a tul. Curuangah Folic acid a tam mi hnuhnun hman hman ei a tul. Hnawi  fawp tu nau te neih laiah hnawi tampi a suak thei ank dingah hnuhnun kha hmeh ah suang in ei a tul. Cui hleiah a rah sung ih a um mi Vitamin B in mipa khal nunau khal ei tha dingin that nak a pek ruangah fa nei ding in a tum tu nulepa pawl in ei an tul.

10. A rah sungih Papain cu thurban sungih um mi bromelain vekin rawl feh daan a tha ter tu enzymes phun khat asiih, rawl feh nak a tha ter tu sii ah Papain enzymes kha rawi in hman a si theu. A hmin mi hnuhnun cu rawl feh daan a th ter ih sung a nem ter. A rah le a par hmanhman ei nak in pum that lo nak , pancrease tiih kawh mi zunthlum nat nei pawl le hemorrihoids pawl hrang that nak a pe.

Kan harhdamnak hrangah hnuhnun ei cio uh si.

https://www.youtube.com/watch?v=NKSFDVClaFI&t=24s

Add new comment

17 + 3 =