Harhdamnak hrang a bawm theitu Lingmaw ( Serthlum thuhla) Part 1

Harhdamnak hrang a bawm thei tu Lingmaw (Serthlum thu hla) Part 1

            Lingmaw rah cu dawhhlei phun khat asiih Tuluk ram ah BC 2500 ihsin thok in an rak cing. Leipar ah lingmaw phun tampi a um ih a tam bik in lingmaw cu a thlum phun, a thur phun, a kha phun tiin hmuh a theih. A tu ah cun kawl ram ah lingmaw rah pawl cu thla 12 sung rori hmuh ding a um. A hleice in thlatang caan ah a tam ih Shan ram then lam ihsin a ra mi a ti tam ih a taw khal a thaw mi "Aung paan" a hawng a paa ih, a fate nan a mu a mal ih a taw zet mi "pia lingmaw" Botaoo lam in a suakmi "Gun fruit" tiih kawh mi a hawng khal ei a ngah mi "lingmaw fate" pawl cu mi theih tam mi ah a tel.

            Lingmaw cu rawl ei khawh ih ei mi thingrah tiin ei asi vekin bangreh nak ding hrang phawiyi tin khal in a si. 100g a rit mi lingmaw rah a thar mi ah calory 47, kasi dat 11.75 g, protein 0.94 g, asi dat 0.12g, colostrum 0g, aahmin dat 2.40 g, pholic 30g, niaasin 0.282 mg, rib-flavin 0.040 mg, Vitamin B 0.100 mg, VitaminC 53.20 mg, VitaminA 225 mg, Vitamin E 0.18 mg, sodium 0mg, potassium 169 mg, calcium 40 mg, copper 39 microgram, tandat 0.10 mg, maganesium 10 mg, maganese 0.024 mg, Zinc 0.08 mg cutivek in a phunphun a tel.

            Mi pakhat ih nikhat sung a tulmi Vitamin C cu lingmaw rah 130g in ngah a theih. Lingmaw cu Vitamin C dat a um nak hmun a siih, Polyphenolos tiih kawh mi dat thang kham nak thilri pawl khal tampi a tel ruangah, taksa ah tuar thei nak a thang ter ih dai ngah, rai bur, awm na, tlangrai cutivek tikcucaan ruangih nat nak pawl in a kham thei. The university of Maryland Medical Center ih an zingzoi nak vekin a rah sungih a um mi in taksa sungih cell pawl a siat ter lo thu an sim. Cuihleiah thihri pawl a nem ter ih hmasam ol nak a rang ter tu tha khal a tel ruangah taksa sung taksa leng nat nak pawl a hlo ter.

            Lingmaw sungah liminoid dat a tel ih hleiah a hawng tang lingmaw thawn a kop mi a rang mi ah bioflavonoids le pectin dat pawl a tel. Cui dat pawl in nunnak kilhim tu sii tiin cancer nat pawl a do thei tu tha a nei ih rawl dolh nak, dang, vun, lung, hnawi, pumpi le rilpi cancer pawl a do sak. Hi zat lawng a tawk hrih lo. Lingmaw hawng ih a kap mi a rang zawng pawl sungah lung in colostrum tuah nak amal ter ih hleiah thi le vun tang pawl ih tul mi asii pawl a hip thei.

            Lingmaw hawng nitin malte ciar ei ringring nakin thi sungih a tha lomi colostrum zatek 33 a mal ter thu rawl rial nak a tha ter tu aahmindat le pectin pawl tampi a tel ruangah taksa rih punghman a ret duh tu pawl tampi in that nak a pe. A rah sungih a tel mi alkoline in rawl rial daan a tha ter ih pum tha lo nak in a kham. Rawl rial daan tha lo, pumsung thli um nak le taksa sung tur pawl hlon dingah lingmaw cu a hawng hih loin then li then in zu thawn ciah in mal teten in a sile a tha.

            Pum tha lo pawl cu lingmaw ti kuat khat hrawng kha malte hlum ter in cite kha hnuhnun mu tia hrawng rawi nak in harhdam nak hrang a tha. Lingmaw sungih potassium in lung le thi feh daan a hman ter ih lung nat pawl a zia ter thei. Japan ram zingzoi tu pawl ih an zingzoi nak ah flavoniods le Vitamin C tampi a tel mi lingmaw cu hmanhman a ei tu cu thi khal nak in a kham sak thu, thi hri pawl tha mal in lung thihri khal a kau ter thu, curuangah lung thihri fate nat nei pawl lingmaw hmanhman ei dingah a tul thu ruah nak an pe.

            Serthlum a hawng a ro mi 2g hrawng cu tidai kuat thum khuat khat hrawng in nak in lungnat a phunphun a zia ter. An zingzoi nak vekin lingmaw sung ih a tel mi maganesiumle flavonoid tiih kawhmi hesperidin pawlin thi a mal terih hleiah thi thang thawn pehpar mi thi thlum khal acang ter lo. Lingmaw ti hmanhman innakin khal ih lungto umnak pawl a kham thei. America ram Suta ram then siilam zungih an zingzoi nak vekin phu ih lungto um tu pawl lingmaw ti in nak in neh ta ah lungto umnawn lo dingin a bom thu an hmu tiin an sim.

            Lingmaw sungih a tel mi calcium tattuh dat in ruh le ha pawl a khoh ter ih ha ni thi um nak le nat tha lo pawl khal um lo dingin a bawm. Nau von mi nu pawl lingmaw ei nakin nau te pawl suah keh ih ruh tha cak lo tivek pawl a um ter lo. Lingmaw sungih a tel mi Citric acid cu bang tuk nak a kham thei. Cuihleiah Pholic acid a tel ruangah thluak tha pawl a thang ter ih hleiah kum upa ruangih hminsin thei nak mal nak le ruat nak tha mal nak pawl khal a zia ter.

            Ahleicein Japan ram ihsin a suak mi satsuma phun lingmaw sungah beta-cryptoxon thin dat pawl a tam ruangah DNA siat nak a kham ih hleiah thluak hri thling nakpawl thluak hri nat pawl a mal ter. Hminsin thei nak tha mal nak le thu ruah thei nak tha mal nak pawl hrangah lingmaw par a ro cu ni khat veihnih hmanhman ei asile thahri pawl tha a tha terih hminsin thei nak a thang ter. Thi pawl a rual rem ter ih phur zet ih um thei ringring ding ah lingmaw hnah 50g cu sabitti asilole laizu thawn a zawng thleng aw ding tiang suangin nikhat ah veikhat haite khat hrawng in a theih.

            Lingmaw sung ih a thlum dat cu mah te rori ih a  ummi a thlum dat a si. Cuihleiah a rah ih a tel mi aahmin dat pawl khal a thlum hip nak a mal ter ruangah lingmaw ei nak in thi sungih a thlumdat kha zamrang zet in a tam thei lo. Curuangah lingmw cu zunthlun thi thlum nat nei pawl le taksa thau pawl thawn a kaih. Japan ram zingzoi tu pawl ih an zingzoi nek vekin lingmaw a ei ringring tu cu zunth,un nat an nei lo tiin an sim. Asinan a thlum dat a tam mi pia lingmaw a ti duh mi a silo. Lingmaw ti cu karkhat ah veili hrawng innakin rhewmatoid tiih kawh mi ruh peh nak thling nat pawl le ruh cang tha hri nat nak pawl a kham sak thei. Lingmaw hman hman ei nak in mipa pawl hrangah a harhdam mi ci suah nak pawl tha a pe ih nunau pawl hrangah nauvon nak ih nau siat tivek a kham.

            Lingmaw sungih beta carotene tiih kawh mi Vitamin A dat a tel ih thil hmuh nak thawn apehpar aw mi mususmembranes pawl thaten a tuah ih mit harhdam nak tampi'n a bawm. A rah sungah Vitamin B6 a tel ih hemoclobin thaten a tuah sak ruangah taksa zaten ah oxigen tul nak pawl a silh khah. Nauhak pawl hnen ih a cang theu mi hmaihuh nat le thawthawt nak lamzin harsat nak pawl hrangah lingmaw in that nak a pe. Lingmaw par cu tidai thawn zankhat ciah in a thaizing, zinah bel thawn suangin a ti pawl rawi hnuah rawl ei nak haite hai 5 ihsin har 10 hrawng nitin in ter nak in thahri na pawl a zia in a hlo ter thei.

https://www.youtube.com/watch?v=2-ayCZBb2QQ

Add new comment

9 + 3 =