Harhdamnak hrang Kawpi ih thatnak

Kawpi ih thuhla

            Kawpi cu a hlum pungsan asiih a hnah pawl thawn a thuahthuah ih um mi a si. Kawpi cu cruciferous hanghnah hangrah phun a siih kiahlan, kawpi par pawl thawn khal a phun an bang aw. Cui cruciferous hanghnah hangrah phun ah harhdam nak hrang that nak a pe tu pawl a tel ruangah minung taksa ih hmun then tampi ah tamzet in harhdam nak hrang that nak a pe thei.

          Kawpi cu a hnah pawl thawn a thuah thuah in a khuh aw ih a sunglam ih a hnah pawl cu nisa thawn a tong aw lo ruangah a no. Kawpi ah (1) a hring (2) a sen le (3) a hnah kiang ih a kir mi tiin phunthum a um. A hring mi Kawpi cu a tanglam kha a zawng a mal ih a tlun lam ah mal teten a zawng a hring deuh. A hring le a sen mi Kawpi pawl ih a hnah a tlun lam cu a no. A sen mi Kawpi ih a sen dup zawng asilole a dup par ah thihri vekin a feh.

          Kawlram ah a man a ol a hring mi Kawpi cu tampi ei a si. A sen mi Kawpi sungih a tel mi antioxidant cu, a hring mi Kawpi hnak in let 6 ihsin let 8 tiang a sang ruangah Kawpi khal tuletu ei a tul. Kawpi cu hmin loih ei nak hnak in suan mi ei nak in harhdam nak hrang that nak a um ter. Asinan reipi suan ti duhsan cu asilo. Kawpi kha suan hlan ah minute 5 hrawng at cia a tul ih, minute 7 hrawng suan nak in harhdam nak hrang that nak a pe.

          Kawpi cu Vitamin K le Vitamin C pawl a kom nak a hrampi a si. Cuihleiah aahmindat, manganese tattuh dat, folate dat, Vitamin B6 potassium, tattuh dat le Mega 3 fatty acid dat pawl khal tampi a tel. Cui hleiah kawpi sungah Vitamin B1, Vitamin B12, Vitamin A le protein dat pawl a tel. Siilam ih an kawh mi vekin (1) antioxidant tam nak, (2) anti inflammatory tam nak, (3) glucosinolates tamzet ih a um ruangah cancer nat a phunphun kha a kham thei.

          Kawpi cu suangih einak in minung taksa sungih hnit kha tha a tha ter ih, rawl rial nak ah bom nak a pek ruangah colostrum khal a tla ter. Cuihleiah Kawpi sungah isothiocyanate a tel ih cui dat in phu cancer, ril cancer le mipa pawl ih taksa na cancer pawl tam zet in a kilhim sak. Curuangah olten lei a ngah ih, man khal ol, suan tik khalah hnatuan buai loin, a thaw khal a thaw ih, that lo nak nei loin harhdam nak hrang that nak a pe tu Kawpi cu "rawl khal in sii, sii khal in rawl" an tivekin ei tlang dingah a tha a si.    

https://www.youtube.com/watch?v=OOLA-3pHp0o

Add new comment

1 + 1 =