Ih tam tuk nak ruangih that lo nak thu

Ih tam tuk nak ruangih that lo nak thu

            Kannih minung pawl cu zan ah ih thaw ten kan it ih, zinglam ah fimharh zet in kan tho. Asinan mi pakhat le pakhat kan bang aw lo. Ih lawng ah diriam ih ih duh zet an um vekin ih hnakin ei lam lawng duh ti tu, rawl pham pawl khal an um. Ih nak thawn pehpar in ih mal asile that lo nak tuar asivekin ih caan tam tuk, ih tam tuk khalah that lo nak a cang thei. Ih tam tuk asile taksa ah ziag na cang thei timi cu,

Taksa zaten bangtuk vek in tuar ding.

            Ih tamtuk nak cu ih khop ruangah na harh ding ih thazang cak vekin a lo ruat ter lo ding. Bang in zianghman tuah duh lo nak thinlung a cang ter thei. Hminsin cia mi ih caan cu upa zo pawl hrang (7-9) karlak a si. Hi hnak ih tam ih asile na thluak a cau ter dingih thuruah thei lo nak a cang ter ding.

Lu nat nak nat neih a theih.

            Ih luar tuk nak ih a cang tam bik mi cu lu nat nak a si. Ih tamtuk nak in lu tha hri pawl a na ter ringring ih lu nat nak pawl a cang thei. Na hngawk theu asile na thang tikah lu na in na thang ding. A hngawk theu mi zatek 60 in lu nat nak an nei tiin zingzoi nak in an sim.

Kum reipi tiang tuar mi nat dinhmun pawl a besia vivo ding.

            Ih tuk nak in reipi beidong nak le el nat nak vek a dang dinhmun pawl a besia vivo thei. Zan ah tuanten it  lo in zinglam ih it tu pawl, tlai hnu tho pawl lungnat neih asile dinhmun a sia vivo thei.

Lungkim lo nak a cang ding.

            Ih luar tuk ding asile lungawi in thazang cak ih tho ding hnakin lungkim lo in thawh theu a si. Bang vek in tuar in lung a kim lo. Thinheng nak a cang ter thei.

Kumkim hlan ah tar vekin vun a um ding.

            Ih mal tuk vekin ih tamtuk nak khal kum kim hlan ah na hmai pawl olten a siat ding lawng siloin na kum hnak in kum 2 upa vekin a cang thei. Ih tuk nakin ruahnak lam buainak le thluak lam buainak a cang ter thei. Ih tuk nak in thilcang a fung ter ih taksa a rit ter.

 Hi mi thu cu lovemedia thawn pehpar aw ih kan run ngan mi a si.