India ram nulepa pawl ih nauhak pawl parih sualman hrem nak ti daan pawl an hman lo nak san (9)

India ram nulepa pawl ih nauhak pawl parih sualman hrem nak ti daan pawl an hman lo nak san (9)

 1.Zangfah nak (The kindness method)

          India ram ih nauhak pawl cu ziangvek ramsa pawl khal siseh, zangfah thiam dingin an nauhak lai in an zirh. Thinsaunak a thupi bik. Nauhak pawl thinsau in zangfah thiam dingah an zirh.

2. Kilvengnak (Controlled information)

          Nupa pawl in nauhak pawl cu TV zoh caan thaten an nemhnget sak. TV ihsin fimthiamnak thawn pehpar in program pawl lawng an zoh ter. A tui san ah TV thawn Social media pawl ah thil tha lo a tam vivo.

3. Um tlan daan (Manners first)

          India ram ih nunau pawl in um tlan daan mawi dingin an kilkhawi. Nauhak pawl khal um tlan daan tha dingin an zirh. Nauhak kum 2 ah rawl pawl thawn lek an lek ter nan kum 10 ahcun rawl thawn lek an awh lo.

4. Tahthimnak tha an pek (Setting a good example)

          India ram ah innsang a tamsawn cu inn pakhat ah an um khawm. Pi le pu, nu le pa pawl in fa le pawl an hmuhton mi pawl tahthimnak thawn nun an sim.

5. Innsang khat le khat nel aw zetin um nak caan an nei theu (close connection)

          Nupa le nauhak hmunkhat ten it tlang a sile innsang khat le khat a nel aw ter sin ruangah hmunkhat ten it tlang a tul thu India ih siibawi pawl in ruah nak an pe.

6. Ruahnak pawl sim thei nak pek nak

          India ram ah fimthiam nak a hleice in thupi ah an ret. Nauhak pawl ih ruahnak thupi ah ret in thu an rel ter. An inn zuat sumhnam pawl thu, hminsin tlak pawl thu, zumnak pawl thu cutivek sim rel ngam dingin an zirh.

7. Saya, sayamah pawl upat nak (Teachers’ taboos)

          India ram ih saya, sayamah pawl cu an thin a sau. An diriam lo nak pawl kha nauhak pawl parah an lang ter dah dah lo. Tlawngta pawl thawn pehpar in saya, sayamah pawl in thiam nak an rel tlang theu.

8. Mah le mah zuam awk nak (Better than yourself)

          India ram ih nauhak pawl cu mah lemah zuamaw in a tha bik si dingah an zuam. Midang pawl thawn zuam awk hnak in mahlemah zuamawk nak an tuah sawn.

9. Saya le tlawngta karlak nelawk nak (Informal attitude)

          Saya, sayamah an duh dawt nak kha nauhak pawl hmuh dingah an khul fung lo. Nauhak pawl thawn pom aw in cibai an buk aw theu. Nauhak pawl ih tuah mi khal an theih sak. Hi mi thu cu love media thuthang pehthlahnak thawn pehpar in kan run ngan mi a si.

Source of Love media

Photoe from google image