Innsang pa pawl ih siar tengteng ding mi thu pawl.

Innsang pa pawl ih siar tengteng ding mi thu pawl.

1. Midang nuncan pawl ziangtluk in an no ih an mawi thu kha ziangtluk in an  mawi ih duh an nung thu kha na nupi hmai ah rel hlah.

    Hi vek narel nak in a mah kha mi hmel sia le iang a nei nawn lo mi nupi pakhat vek in a rak ruat aw. Cule hi tongfangin a mah le mah khal a zumnak a mal ter asi.  A mai no nak mawi nak pawl kha na hrang ah a hmang. A mah kha hi vek na ttong thlang a sile a mawi nak pawl kha nangmah ruangah a siat kha mangsal aw.

2. Mawizet le style takih um mi midang nunau pawl thawn na nupi kha tahthim hlah.

       A ceiawk nak can a mal nak cu nu vek phunkhat, nupi vek phunkhat nangmah le na sungkua pawl hrangah hna pawl taimak in a tuan rero ruangah asi. Na duh ih na thit ruangah a mai a thleng aw mi hmel lam ih a cang mi pawl kha cohlang sak aw, a sualnak hawl hlah.

3. Na nupi kha “ Thin na cem nin na um” tin ti hlah.

      A nun hmuahhmuah cu nan par ah a thum awk theh kha a lo duh ruangah asi. Ziang hmuahhmuah taan ih nangmah a lo hril nak cu nangmah thawn thihhlan lo      tar tlang ding in asi. Leitliun ih a um mi tingthawng tampi nunau pawl lak in nangmah thawn a kaih aw mi na nunram a lo famkim tertu ding ih Pathian ih laksawng pek mi a si. A mah kha man nei zet in ret aw.

4.Tu le tu sual puh hlah.

     Innsang hrang ih a zum nak kha theihsak aw. A mah kha asual puh nak tong tuletu sim hlah. Nangmah le na fale pawl hrangah nikhat hnu nikihat man lo in a rawl suang, hnipuan sawp hnatuan nak pawl lakah a bang zet. Cumi kha theihsak nak na pek paih lo hman ah a mah kha neh tuk hlah. A famkim lo nak kha tuletu sawhkhih hlah.  Innsang thilri le thildang pawl kha zalen takin tawlrel seh. A mah kha tu le tu sual puh in mawhthlut nak pawl tuah lo dingin ral ring aw. Tuletu sual na puh, a sual na hawl le a mah le mah hman atlak lo mi minung pakhat vekah a neih aw. A rei vivo tikah tuah duh, tham duhnak thinlung le tuah ngam, thamngam nak thinlung khal a hlo thei asi. Cule thanau nak pawl thawn a mah le mah misual pakhat vekin a ruat aw ter thei ruangah  asi.

5. Bum nak pawl le tiaw ter tong pawl sim hlah.

      Na nupi hi na ral asi lo. A mah kha bum hlah aw. Khui ka feh ziang ka tuah ti ihsi thokin fiangfai ten sim aw. Ziang pakhat hman a parah bum hlah aw. Hi mi cu a mah kha man zet ih ret le upat khal asi. Hi mi pawl kha ngaihsak aw.  A mah in a pom ah pom lo ah thilcang mi kha fiangten sim aw. Bum nak le ti aw ter ttong pawl thawn a mah kha zum dingin tuah hlah. Cu ti silo ih a parah tu le tu na bum ringring a sile na par ih a ret mi a zum nak pawl a mal vivo thei. Nangmah thawn pehpar aw in zum lo nak pawl a tam sinsin thei. Na nupi ih zum nak ngah dingin um aw. Na nupi in nangmah kha a zaten a lo zum duh.  A zum nak kha a let lam zawngin hmang hlah. A zum nak thawn tlak dingin um aw. Bum nak le  ti awter ttong pawl in na nupi kha ziangtik hman ah bia hlah aw.  Hi vek in a mah kha upat lo nak, man nei lo ah a can ter.

6.Innsang then ding timi thuhla tong hlah.

       “ nupa cu lei le ha” ti an si.  Rin lo pin ttongtam buai caan ah then awk ding thu olsam zetin ttong pang hlah. Hi mi hi a thupi tuk.  Hi ttongfang cu nupi pawl an theih paih lo mi tongfang asi. Innsang pakhat kha din tlang hnuah zohman in lamzin lai ah thenawk ih cem ter ding an duh lo ding. Curuang ah innsang ah sinpi lo nak pawl a um le kap hnih in tha ten ruat tlang ding. Innsang pa pakhat siih innsang then ding thu kha na nupi  hmai ah olsam zetin tong ngah pang hlah.

#crd

#photo courtesy of google image