IQ, EQ, SQ, AQ thu hla

Thluak lam

IQ, EQ, SQ, AQ thu hla

          Thinlung ruat nak lam mifim pawl in tu neta bik an nemhnget nak ah minung pawl ih ruah nak tahfung cu IQ, EQ, SQ, AQ tin phunli phunli then in a um.

A sau zawng in cu

  1. Intelligence Quotient
  2. Emotional Quotient
  3. Social Quotient
  4. Adversity Quotient ti pawl an si.

 

 

 

An thuhla kau deuh in ka run sim ding.

  1. Intelligence Quotient

IQ ti mi theihtam mi theih nak level cu a ngaingai ah cun thu pakhat thawn pehpar mi ruah thei nak kha a tah nak men a si. Tinchia (Math) kan tuat thei, thilcang mi pawl kan mang, kan hmuhton mi sung ihsin cawng ding mi kan lak thei. Cumi cu IQ level an ti mi a si.

  1. Emotional Quotient (EQ)

EQ cu mi tampi thawn kan pehpar awk daan level a si.Mitampi thawn kan biakawk tikah ziang ti tluk a rem cang? Ziangtluk in kan ding fel? Tuanvo lak nak le tuan vo lak ngam nak teh um maw? Minung le minung upat hmaizah nak teh neih a si maw? Ziaza mawi te thawn pehtlaih nak um thei maw? Mi ih an bulpak thu pawl na kilhim ih na ruah sak thei maw? Cu pawl cu EQ level an ti mi a si.

  1. Social Quotient (SQ)

Himi cu kan mah kom mi rualpi, kiangkap, hnatuan pi, sungkua, sungkhat pawl lak ah ziang tluk caan rei tiangin pehtlaih nak kan kilhim thei. Kan kiangkap mi pawl thawn kan pehtlaih tikah ziangti tluk in a kau. Hipawl tah thei nak cu SQ level a si.

Hi a par pathum sungah kan nungram ah hlawh tling takih kan feh thei, kan pahtlang thei ih midang ai si cuang deuh in dinhmun sangnak bik ih a thleng tu pawl cu pahnih nak le pathum nak a si mi EQ le SQ level a sang tu pawl an si.

Mitam kan ruah nak ih IQ sangpawl an si lo. An nih ih an IQ cu zaran a si ko. IQ a sang an ti mi pawl cu netabik ah EQ le SQ sang ih mi lian hnatuan nei tu pawl hnen in hlawhman nei hnatuan dinhmun in an nung nak kha cutin caan an cem ter le tla a ngah tin an sim.

Riahsiah nak pakhat cu caazir nak tlawng pawl cu IQ level sang dingin zir nak pawl a tamtuk zo. EQ le SQ level sang dingin an tuah sak nak ding zir nak program pawl cu a mal tuk lai. A ngaingai in cu EQ cu kan mah ih kan nuntu zia kha a langter ih SQ cu cui kan nuntu zia in kan kiangkap pawl ah ziangtitluk in a thathnem ti kha a lang ter.

Silen neta bik pakhat ka sim ding. Kan thluak ih theithei nak level ah neta bik a pali nak cu ziang a si.

  1. The adversity Quotient (AQ)

AQ ti mi cu kan nunih kan hmuh tong mi zate a har mi thleng awk nak pawl kha raltha zet ih kan pahtlang thei mi… thiam nak level a si. Cu mi cu AQ level a si. Lei thlun harsat nak pawl kha ziangtluk in tuar thei nak kan nei ti asi.

          AQ level par ah bun aw in minung pawl cu mah le mah thah awk duh nak pawl, mah sungkau tan san, mai sungsuak hnon nak pawl a rak cang thei. AQ level niam tu pawl cu… harsat nak kha… a pah tlang thei lo tu pawl an si. Fa te thawn then aw, nu le pa then aw, hnatuan ihsin doi tuar, beidong nak, mah le mah thah awk nak, mai si nak suah san duh tlan san duh pawl cu AQ level niam pawl,, ti a si. Ruah nak pek dingah nu le pa pawl cu mai fa le pawl AQ level sang dingin nunram ih harsat nak pawl thawn an nauhak lai ihsin an tong ter, an zirh sawn a si an ti. An kum, an theih nak level vekin, an ruangpi le an thluak khal ah hnatuan pek nak pawl, tuanvo lak duh nak, fial nak pawl tahthim nakah lek le thil coi duh nak pawl thazang thawn tuah ding mi hnatuan har pawl khal tuah duh nak nei ter ding ti a si.

          A tawi zawng ih sim a si le IQ a sang khal len a tha a sang lo kha len a poi tuk lo. Culo pathum (EQ, SQ, AQ ) pawl sang ding kha a thu pi sawn asi. Culawngah kan nung ih kan harsat nak pawl a ton ngam a pahtlang thei tu kan si ding asi.

          Fa le pawl kha an feh nak ding lamzin sial sak hlah. An mah ten an sial ih an feh thei ding kha zirh sawn aw” ti a si.

Crd

Photo courtesy -Google image

 

         

 

         

 

Add new comment

6 + 2 =