Khuitawk hmun ih na um khal le thinlung tha nei aw.

Khuitawk hmun ih na um khal le thinlung tha nei aw.

          Khuitawk hmun ih na um khal le thinlung tha nei in um aw. Zo zo khal na va kom a si le zawnruahnak thinlung thawn kom aw. Ziangziang na tuah khal le duhsak nak thawn tuah aw. Nikhat ni ah na hnen ah a rakir sal ding.

          Minung pawl ih duh dingin duhdawt nak thawn um a tul. Mivan tha si ding ah thiltha tuah nak thawn um a tul. Mihuat zawng tuah a si le nunram hmuahhmuah a siat thluh.

          Duhdawtnak khal siseh, duhsak nak khal siseh tul zat ai ih tam sawn in pek ngah a si le mai lam kha zoh sal ding kan mang lo theu.

          Kilhim ding kan hngilh theu vekin khuihmun khal ah zaran ai ih a hlei deuh a si le thin a naa theu.

          Thing rah ziang tluk a tum khal le a thawt lawng ah man a nei. Caa ziang tluk a thiam hman ah fim nak a neih lawng ah man a nei. Minung ruangrai ziangtluk a tum khal le theih nak a neih lawng ah man a nei.

          A ngaingai ah cun nungram tlaksiat a sile thosal in mi pakhat kha hnih san thei ding zuam aw. Leitlun zuam awknak ah neh na duh le ziangziang a si khal le ttang aw.