Kom mi ruangah sinak a kai vek in kom mi ruangah sinak a niam ter.

Kom mi ruangah sinak a kai vek in kom mi ruangah sinak a niam ter.

          Mi pakhat cu rang pakhat lei dingin bazaar ah a ra. A duh bik mi rang kha a hril ih rang zuar tupai hnenah “Ka rual hi rang hi inn ah ka tlun dingih rang a that le that lo ka zoh ta ding rang tha a si le ka lei ding. Rang tha lo a si le ka rak hruai sal ding” tin a ti. Rang zuar tu pa khal in a lung a kim ih a on. Rang lei tu pa in rang cu inn ah a hruai ih ranginn ah a dang a rang pawl thawn a khum. Cutikah a lei mi rang cun ranginn sungih rang pawl kha thaten a zoh. Cutheh in rang zate sung ih a ze bik, rawl khal a pham bik, a sual bik le duhham bik mi rang ih kiangah a feh ih rualpi ah a kom ih a kiangah a it.

          Hi mi cu rang lei tupa in a hmuh veten rang cu a dir ih a zuar tu pai hnen ah a khirh sal. Rang zuar tu pa khal in a lei tu pa ih um daan kha mak a ti ih a mang bang zet. “Ka rual ziangruangah hirang cu na duh lo… rang cu tha ten na zoh zo maw?” tin a sut. Cutikah rang lei tu pa in hitin a sim sal. “Hi rang cu hi ti ciamco ih zoh khal a tul lo…hi rang cu ka ranginn sungih a ze bik le duhham bik mi rang thawn an kom aw” curuangah hi rang ih nun tu zia khal hivek thotho a si ding ticu ka ruat sual nak ding a um lo” tin a sim sal.