Kutthlak ih nunsim hnak ih tha sawn mi tidaan pawl fimthiamnak lamih zirhtu pawl in ruah a tul. (June 15, 2022)

kutthlak_ih_nun_sim_hnak_in_a_tha_sawn_mi_tuah_daan

Kutthlak ih nunsim hnak ih tha sawn mi tidaan pawl fimthiamnak lamih zirhtu pawl in ruah a tul.

(June 15, 2022)

          Zinzoinak vek a si le cawhkuan pek ih zirh daan cu fimnak lam thatnak siatsuah mi tidaan a si vekin tlawngta ih thansonak khal a nuam ter. Tlawnginn ah tlawng lenglam ah nauhak pawl khat le khat tuahmawhnak tamnak thawn pehpar in nauhak pawl ih ziaza le man hlatnak zoh tlangin ralring ten rem a tul.

          Fimthiamnak ti tikah theihkauhnak, thuhla cepciar pawl zir in camibuai (exam) ong ding lawng a si lo. Tlawng sungih hruaikai daan pawl a si mi tlawng sungih pek mi tuanvo parah tuanvo lak thiamnak, saya/sayamah pawl, nu le pa pawl le nunphung pawlkom zate in tuanvo lak thiam dingih zirhnak a si.

          Taksa lam cawhkuan nemhngetnak ih thatlonak cu tlawngta pawl huatsuak dingah, tidaan tha lo thawn zirhnak ah a cang. Nu le pa, zirh tu saya pawl in kut thlak (lo le) thinlung lam naa ter mi cawhkuah peknak tu le tu kan hmang theu. Hi vekih tuah khalle a thatlonak an thei cuang lo. An thei ngah lo. Zingzoitu pawl ih hmuh mi vek a si le nu le pa pawl ih um daan a phunphun nun simnak pawl in thinlung lam a siatsuah thu, a hleice in thilsual tuah dingah le rapthlak mi ziaza vek a tuah ter ti a si.

          Cawhkuan peknak ih tumtahnak cu a tha lo mi ziaza tuah nawn lo dingah le ziaza tha lo tan san ter duh ruangah a si. An zinzoi mi vek a si le tumtah mi vekih cang mi cu a mal. Saya/ sayamah pawl, kilkhawitu pawl dinhmun in thinlung ruahnak pawl uk thei tu, nunphung pehtlaihnak lam thiam tu, humhimnak ih upat tlak pawl si a tul. Zirhtu Saya/ sayamah le nauhak pawl pehtlaihnak lam a naih tuk ruangah kutthlak ih cawhkuan peknak cu veikhat veihnih ah cohlan theih lo mi dinhmun tiang a cang. Hi dinhmun cu tumtah lo mi dinhmun, tuah duhnak thinlung um lo mi thatlonak tiang a can ter.

          Nauhak pawl rem duh a si le cawhkuan pek ih thatnak hnak in kum reipi thathnemnak zoh a tul.

          Nauhak ih um daan, ziaza cek fel sal aw. Tlawngta pawl ih ziaza hrekkhat pawl in kutthlak ih cawhkuan peknak a siat suah ti a langter. Tahthimnak ah inn ih ca tuah ter mi (homework) pawl tuah lonak, fial mi hnatuan tuah lonak, ram alaan upat nak pek caan ih din fial tikah din lonak, tlawng tlannak, ca zir lai ih pakhat khat einak, hmawm nak, mi tampi thawn um caan ah phone hmannak, game leknak, thuanthu siarnak, tong lo ding hmun ah tongnak, kuak fawhnak, ca zir lai vek ah thu ngai lo nak, tong tha lo tongnak, cahnah thawn vanzam tuah in lek nak, saya/sayamah tiah ko in upatnak pek lonak, uniform hruk lo nak, ca uk hngilhnak, rualpi pawl thawn to awknak le a dang thuhla pawl khal a um ter.

          A parlam ih tarlang mi dinhmun pawl ruangah kutthlak in cawhkuan pek tuar mi nauhak pakhat cu a parlam ih thilcang vek cang nawn lo dingah a tih ih a hrial ko ding nan aw ka hrangnak in dinhmun hrekkhat pawl hrangah a tha tiah a thinlug ah a um lan ding. A hleice in beidong mi pakhat khat (lo le) thinhar mipawl hrangah a tha tiah a ruat ding. Tlawngta pakhat in pakhat khat a ruah ngah ih saya/sayamah in cawhkuan pek cih tikah siseh, tlawng uk tu ih theih lo in cawhkuan pek tikah nauhak hrangah cui sualnak vek tuah nawn lo dingin a rem sak thei lo ruangah thatnak a um lo. Hrekkhat sualnak pawl cu ziaza hnak in tuahnak lam a si sawn. Hrekkhat tuahmawhnak pawl cu mi pakhat ciar ih ziaza thawn a sai. Hrekkhat cu an thupi zet. Asinan, veikhat veihnih ah sual cawhkuan thawn a kaih lo.

          Zinzoinak pawl vek a si le kutthlak in cawhkuan peknak tuar ringring ruangah khal a si. A hleice in mipa pawl cu nunau pawl hnak in cawhkuan nasa deuh an tuar theu. Tha mal mi pawl cu paisa hmang thei tu pawl, nu le pa mi nei nung pawl ih fa pawl ih zuamtainak an tuar khal hmuh a theih.

          Kutthlak ih cawhkuan peknak cun tuletu nauhak pawl, thluak a fung mi nauhak pawl, a dang nauhak pawl hnaihnok theu mi  nauhak pawl parah an thleng theu. Kutthlak ih cawhkuan peknak cu ca thiam pawlkom hrangah cun sunsak tul mi thuhla pakhat ah an upat. Pawlkom in nauhak pawl humhim dingah tuanvo an nei. Tu le tu nauhak ih tul mi (lo le) caan tha thawn nauhak pawl kutthlak in tuah lo mi cawhkuan cu saya/ sayamah pawl ih tuah thei nak thawn uk thei dingah a si. Kan dung rei lo te ah America ram ah khal kutthlak ih cawhkuan peknak thawn pehpar in thuthan pawl an rak suah.

          Tlawngta pawl hmuihmel lam tuahmawhnak cu democracy ih man hlat nak thawn a plah vekin pakhat ciar ih caantha le covo khal a siatsuah. Sinak tlaknak, minung bang loin thatnak um ter in fimnak pek mi dun le daan pawl cu fimthiamnak zung pawl in tuah a tul. Hmuihmel lam cawhkuan peknak thawn pehpar in tlawng pawl in thu el awknak an nei. Ziangah tile nauhak pawl tuahmawhnak hmuh a theih.

          Hmuihmel lam cawhkuan peknak in kan pawlkom sungah hnget zet in in zel. Hi vekih tuahnak cu veikhat veihnih ah nauhak pawl cu dinhmun niam mi ramnung vek, nunphung pawlkom thawn pehpar lo mi pawl nasa zet ih namnehnak, ti daan, tihphannak, hmuihmel lam tihphannak thawn a uk duh tu, ramnung vek ah an ruat. Fim zirhnak tel mi cawhkuan peknak vek a duh lo tu pawl cu thlengawknak tuah ding hrangah donkham tu ah an cang.

Saya/sayamah pawl ih zirhnak

          Saya/sayamah pawl ih zirhnak cu nunsim lawng si lo in kuuthlaknak tiang a rak cang. Hmuhtonnak pawl vek a si le kuuthlaknak cu saya.sayamah pawl ih thinharnak pawl ruangah a si. Cu vekin hnatuan peknak le tuanvo lak thei nak ih forhnak khal a tel. Nu le pa ih ruahsannak, thiamnak nemhngetnak, hnatuan tuah theinak tivek pawl cu saya/ sayamah pawl ih forhnak ah a rak cang. Tlawng sung ih hman mi funghreu thawn vuaknak pawl ruangah tlawngta pawl ih thiamnak danglam hleice in a thanso cuang lo. Thinharnak cu tu vekin tlawngta pawl parih ret mi hnak in a dang ti daan pawl a si mi nunphung bawmnak pek mi pawl kau dingah tuahnak, tlawngta pawl ih ziaza pawl cawhkuan peknak ah tidaan hman ten zuam nak, a dang khaan ih buainak pawl cu saya/sayamah hrangah thinharnak a dem deuh ter tla si men thei.

Cin le daan thawn pehpar mi theory

          Kum ih zir in tlawngta pawl sim fiangin nunsimnak cu thathnemnak a um. Tahthimnak ah phone tham hlah uh; A siat le hman a ngah nawn lo tiah sim in nauhak dinhmun in cui tong tu le tu sim a theih. A ziaza khal a mah kel si dingah bawmnak ah a cang ter thei. A dang tidaan pakhat cu kiangkap thlengnak thawn cui nauhak ih hloptlo zet mi thil cu an hmuh theinak, an ban lo nak hmun ih ret nak khal thathnemnak a um.

          Nu le pa le saya/sayamah pawl kom aw in nauhak pawl ih ralring lo ih tuah ngah mi kham a tul. Sim fiang aw. Nauhak ih theithiam thei mi tidaan thawn mah le mah ralring dingah zirh a theih.

Ruat ih tuah mi pawl

          Lehnak le lehdaan pawl, lem cannak, kiltu tuannak, pawlkom thawn pakhat khat tuah ternak, nunphung pawlkom hramvun mi caanserh pawl tuah ter a theih. Cawhkuan pek daan cun hrekkhat caantha pawl a sung ter thei.

Thu relnak ziaza

          Dai ten um thiam lo mi nauhak cu cawhkuan peknak in an thu el aw. Tlawng ca tha ten tuah theu tu nauhak cu saya/ sayamah ih laksawng pek a tul. Cui laksawng cu sunloihnak tongkam, sunloihnak zabengnak thawn a si.

Ruat hmaisa aw

          Nauhak in tuah lo dingih kham mi ziaza a tuah rero a si le hrem tlang daan hmang aw. Cawhkuan thannak cu thathnemnak a um lo. Lenglam bomnak thawn lam hmuhnak khal lak aw. Nunphung lam ah thatnak um mi zirhnak vek sim aw. Sunsak tuar mi nauhak cun tuah ter mi hnatuan pawl a tuah thei vekin hmuhtonnak pawl khal midang pawl hnak in hlawm aw. Midang pawl ih tuar mi pawl, nomnak pawl a cohlan thei lo ruangah hi vek nauhak in harsat caan vek ah a tha lo mi tidaan pawl thawn lehrulnak a mal. Kutthlak ih cawhkuan peknak humhim ih sim tikah nu le pa, saya/ sayamah  pawl thawn tonawknak, ruahnak peknak, nitin hnatuan thuhla, tuanvo lak thiamnak caanserh pawl, hleice ih fimnak kpek mi caanserh pawl, laksawng pek cawhkuan pek daan, ziaza ceknak, thu reltlangnak, le cat bang lo ih kilkhawinak ti vek pawl khal tel a tul.

          Hi thuthang cu RVA thuthang ih kan ngah mi a si.

https://bit.ly/3OQhCe1

Add new comment

1 + 2 =