Lothlotu pa  le ti khur neitu pai thu

lo_thlotu_pa.

Lothlotu pa  le ti khur neitu pai thu

          Veikhat ah loothlo pa cu a Lo rawl hrangah tikhur laih nak tha hmun pakhat a hawl. Cui Lo thlopa Lo rawl cu a that tuk ruangah a innhnen pa in a nahsik. Lo thlo pa cu a Lo rawl hrang ih ti a tul ruangah a inn hnen pai hnen in a Lorawl hrangah tikhur a lei. Tikhur a lei ih a thaisun ah a innhnen mi hrok hrawl pa cun loothlo pa cu a sim “Kei in tikhur ka lo zorh ding, asinan ti dai cu a tel lo” tin a ti ih a suah san. Lo thlopa cu a mangbangtuk ih ziang a tuah ding a thei lo. An thu a fel thei lo ruangah Lo thlopa cu thuthen nak zungah a feh ih an thu cu a sim. Thu then nak zungcun Lothlo pa le a innhnen mi hrokhrawl pa cu an ko. “Ziangruangah Lo thlo pa cu tikhur sung ih ti lak cu na ong lo” tin a inn hnen mi hrokhrawl pa cu an sut.

          Mi hrokhrawl pa cun a thlun lam ih thusuh nak vek in a sang. “Kei cun tikhur lawng si ka zawrh, tidai ka zorh lo. Curuangah ka ti kha a nih a hmang thei lo” tin a sawn. Thuthen tupa in hitin a sim sal “Awleh… cutin a si le tikhur sungih ti na hmang ngah lo ih tikhur lawng na lei ruangah nang cu tikhur lawng na nei. Anih in cu ti kha a neih ruangah tikhur sungih a ti cu a tu rori ah hlon sak aw” tin a innhnen mi hrokhrawl pa cu a sim sal. Cutik ah cun a innhnen mi hrokhrawl pa cun a mah kha nun an sim ti a theiih ngai thiam a dil sal.

          Hi thuanthu sungah a inn hnen mi hrokhrawl pa vek minung kha kan tong dah ve ko ding. Kan theih ding mi cu ziangtik caan khal ah kan hrokhrawl nak cun midang kha a tuah mawh lo dingih kan mah ih kan tuah vek in kan ngah sal ding ti a si. Hi mi thu kan siarnak in Pathian in kan thatlo nak zawnah fimvarnak in pe hram seh.

Add new comment

3 + 7 =