Lungruh ih thusim har nauhak pawl fim ding ih tuah daan (9)

lungruh_ih_thusim_har_nauhak_pawl_fimdingih_tuah_daan

Lungruh ih thusim har nauhak pawl fim ding ih tuah daan (9)

          Nauhak pawl cu thil pakhat khat an duh asile an ngol theu. An duh mi an ngah lai hlan lo tap rero tivek nauhak pawl khal hmuh a si theu. Hivekin ngol in an lungruh nak in an duh mi an ngah ding ti an thei. Curuangah veikhat veihnih ah kawk le hro lawngih ngui tivek khal an um. Himi tuah daan cu a tha lo ati asinan hman a tlak. Curuangah kawk ti siloin nauhak pawl ih ngol nak cu an lungruh nak ihsin a thleng ter thei.

1.An duh mi thaten la thei dingin zirh aw.

          Nauhak pawl cu an nulepa ih um daan an cawng theu. Curuangah an hmai ih tong tikah aw ka tha le dai ten tong a tul. An hmai ah au hrokhro asile an cawng ding. Cuihleiah an thinlung duhnak thlun ringring lo dingin zirh aw.

2. Ziang an tuah duh timi hril thei nak pe aw.

           Angie T.Cranor ih a simnak vekin na fa hril theinak na pek nak cu anmah le anmah ukawk thei nak a nei ter. Curuangah anmah ten rori haa na thuah pei maw? Zuk pawl anmah ten an ret that pei maw tin sut aw.

3. Hmuk (ei ding) tivek keng sak ringring aw.

          Tuletu ngol cu a silole tuletu an mit hmai siatnak cu tuletu an rilrawng ruangah a si. Na fa thawn a leng nan suak tlang asile an hrangah hmuk (eiding) pawl keng sak nak cu anmah kilkhawi a ol ter ih, na fa khal a lungawi ding.

4. Thuhla sim fiang aw.

          Nauhak pawl parah “ka sim vekin tuah, ziang hman rel hlah” timi thuneih nak hman a ngah lo. Cuvek ih tuah cu a tih ter ih hleiah anmah le mah zumnak a mal vivo. Curuangah pakhat khat tuah ding asile a cang thei dingmi thuhla pawl a tha a tha a lo thu sim fiang a tul. Hivek ih tuah nak cu an mahlemah an ruat thiam ih hleiah ziang mi a hman, ziangmi a sual timi an thleidang thiam ding. Cuhleiah thu bot catnak khal raltha zetin an tuah thei ding.

5. An thlun dingmi daan tuahin laksawng pe aw.

          Nauhak pawl TV zoh hnakin pakang kholh thiam dingin, inn thianfai thiam ding in zirh aw. Nauhak pawl khal a harhdam ter ih hleiah daan khal a nei ter. Cutheh in white board par ih cangan nak, zuk suainak pawl tuah ter aw. Cutiin zarh 1 asilole 2 tiang hman ten an tuah asile laksawng pe aw. An lungawi ih hleiah na fa le pawl a fim ter ding.

6. Daan an pah bal le hrem aw.

          Thinlung siat nakih a rah suak cu a dang lam mi tuah tuannak thawn a pehpar aw. Na fa rawl thaten a ei lo asile hmuk ( adang ei ding) pe hlah. A leh nak zuk pawl ret that ding a piah lo asile ni dang ahcun zuk thawn lek ter nawn hlah. Himi cu nauhak parah nasazet ih hrem siloin daan thlun dingin zirh nak a si.

7. Ruat thiam dingin zirh aw.

          American Academy of Pediatrics ih asimnak vekin veikhat veihnih ah nauhak pawl cu an ruah dingmi pakhat khat a um lo asile an zangzel theu. Curuangah thil thaten ruat dingin hla phuan sak nak pawl, theih kauh nak pawl sim nak, cauk siar thiam dingin zirh nak pawl tuah a tul.

8. An harsat nak pawl anmah rori in felfai ter thiam dingin zirh aw.

          Anmah thawn nan biak awk tikah an ruahnak pawl sut aw. An ton mi harsat nak pawl ngai sak aw. Felfai ter sal loin ziang tin sim fiang ding timi tuah daan sim aw. An buai nak anmah in felfai ter vekin ruat dingin a thupi vekin anmah pawl sunloih in tha pek ding khal a thupi.

9. An tuar nak theih thiam pi ding.

          An thinheng nak kha thinheng nak thawn ti ding hnakin ziangruangah ziangtin an ruat timi sut aw. Thinlung ruahnak cu nauhak pawl ih nunram ah a tum mi thuhla ihsin a tel ruangah theihthiam pi a tul. Tahthimnak ah “tuini nikhua a tha lo tiin tiva kap feh a ngah lo. Asinan ramsa umnak ih feh a ngah” tivek thawn hnem a tul. Nauhak khal hmuhton mi thar a ngah ter ih hleiah an ruahsan nak khal a siat ter lo.

RVA Falam Service

Photoes - Google image

Add new comment

3 + 4 =