Mai si nak vek ih pom thiam ding tul

Mai si nak vek ih pom thiam ding tul

          Kan dinmhmunah mai sinak vekih pom ding ti mi cu thil har zet pakhat asi. Tahthim nakih sim a sile mah ih hmuihmel lam pakhat khal kan pom thei lo, thinlung lam pawl thawn pehpar in duh um lo mi, midang thawn pehpar ih kan thleng awk duhnak cu pawl an si.

          Mi tinkim ah bangaw lo mi mawinak, mah cio ah a dang lam mi thiamnak, mah ti mi cu leitlun ah mah pakhat lawng ih suak mi a si.  Cuihleiah cutawk cu ziang tin a um tin mah le mah cohlang aw thei lo ih beidawng ti mi pawl cu um dan hman lo mi thu pakhat a si.

          Cuihleiah kan kiangkap pawl ih minung hmuahhmuah kha kan mahih duh vekin kan thleng thei lo. An mah cio khal an mah um dan, an pom dan, an mah ih an um dan cio in an um.

          Kan mah dinhmun in lungkim lo ti tinten a zatei kan thleng duh tinten a ngah lo. Leitlun ih a bangawk lo mi um dan kha kan theih thiam a tul.

          Curuangah mah le mah khal, mai kiangkap khal a si dan vek in theihthiam ih cohlan thiam ding kha zuam aw.