Man hla zet mi tong daan

Man hla zet mi tong daan

          Khua hlan lai ah milian fapa pakhat in ngathur thal thawn a sai ih inn ah a tlun. Lamlak ah a dang milian pakhat thawn an tongaw ih cui milian pa cun a thi mi ngathur cu zoh in a taang cuum in a tap ciamco. Ka ngathur cu ngathur menmen a si lo. Nikhat ah ngun tangka fangkhat suah ter thei mi ngathur a si.

          Man nei zet mi ka ngathur cu na that ngah zo. Ka lo cawh ding a tiih ngathur thal in a saitu milian fapa cu thuthennak zungah a feh pi. Cu tikah ngathur that ngah pang tu milian fapa cun thuthentu hmaiah ‘hi ngathur in nitin ngun tangka fangkhat a rak lo suah sak hi kum ziang zat a si thlang’ tiah a sut. Ngathur neitu milian fapa cun ‘kumkhat a ti thlang’ tiah a ti.

          Cu tikah ngathur thattu milian fapa cun ‘hi ngathur in ka inn hmai ih ret mi sui cu nitin ra in fangkhat te ten a ruk rero hi a rei thlang. Nitin ka hringhro rero ih kaih ka tum nan a rak ngah lo. Tu lawng ah fifir ngathur ka ngah. Nang khal in fifir na cohlang. Curuangah kumkhat hrangah sui cuai thum le tikal 60 I pe sal aw a ti tikah ngathur nei tu, milian fapa in ngathur thattu milian fapa cu a kuan sal.

          Faang aattu in faangkung pawl a kut khatlam thawn hnget zet ih a kaih hnu ah faangkung a aah vekin tong tikah khal mi pakhat ih tong mi hnget zet ih kaih ngah hnu lawngah mai tong thawn a hlan ih sim mi ‘faangkung aah nak’ tong daan thawn a bang thei ding. Hi mi thu hi lovemedia sungta thawn pehpar in kan run tarlang mi a si.