Man a nei mi nunau si dingin um aw.

Man a nei mi nunau si dingin um aw

      Mipa tin kim ih duh ding mi nunau si dingah um hlah.  Mipa pawl ih ngah thei lo mi nunau si ding in um aw.  Mipa pawl ih ol ten an ngah mi nunau si ding in um hlah.  Tifukfo lo mi nunau si ding in um hlah thuthen botcat ih dunglam zoh kir sal lo tu nunau si ding in zuam aw.

    Thil ziangkim a sung petu nunau si ding in um hlah. Sunnak pawl lak in zir thiam in nunram feh theitu nunau si ding in um aw.  Mitthli tlak ol tu nunau siding in um hlah.  Mitthli tlak tin in mitthli kha hnul in a hni thei mi nunau pakhat si ding in zuam aw.

    Duh nak le ngai nak pawl thawn cancem ter tu nunau si ding in um hlah aw duh nak timi cu um lo theih lo asi lo ti mi thinlung thawn um thei ding in zuam aw.  Inn dunglam ih nun nak cem tu ding nunau pakhat si dingin um lo in Innkhaan sung ah Innsang pa kha lamhmuh thei tu nunau pakhat siding in zuam aw.

    Theih nak nei lo tu nunau pakhat siding in um hlah, theih nak kau tu nunau pakhat si ding in zuam aw.

    Man nei lo mi nunau pakhat sidingin um hlah man a nei zet mi nunau pakhat si ding in zuam aw.

     Hmailam ih nu a ra cangtu ding nunau pawl cu thiamnak sang neih a tul.