Minung ih man

Minung ih man

          Caa kan thiam ih a tha le tha lo kan thleidan thiam lo le a lak men. Sumpai kan nei nan kan duhham ih kan zaal sungih sanding lawng kan zuam a si le a lak men. Kan ruah nak ziangtluk a sankhal len mi zawnruah nak thinlung kan neih lo len a lak men. Hmuihmel ziangtluk a that hman ah mipakhat kha minung ti a hmuh thiamlo le a lak men. Fimnak ziangtluk na neih a si khal le midang ttong mi ziangih na siar lo a si le a lak men.

           Ziangtluk ih hnatuan zuam mi na si khal len dingfel nak na neihlo le a lak men. Ziangtluk na thiam khal le mi zawnruah nak thinlung na neih lo ah cun a lak men. Ziangtluk in mitha ka si na ti rero hmanah midang ih mit thli tel mi rawl na ei le a lak men. Ziangtluk in thudik cu ka cohlang na ti khal le mai mawh thu rel na duh lole a lak men.

          A ngaingai ih minungih man ti mi cu thluak thatnak le thiamnak lawng a si lo. Midang parih zangfah lainat nak thinlung, mi ngaisak thiamtu mizawnruah nak hna, mibawm thiam tu kut, a tha lam in hmu thiam ih fiangfai te a hmu tu mit, tongkam thlum ih suaknak a ttong mal mi kaa cupawl cu an si.

          Ziangruangah ti le mithiam ziangtluk an tam hman ah mitha ti mi a rak um lo a si le thudik pawl a hlo dingih kan kiangkap pawl khal ah remdaih nak, thin hnangam nak pawl a hlo ding. hi mi thu hi nunsimnak thuthawn pehpar in kan run rel mi a si.

      Credit.