Na tuah thei a si ti kha zum aw

Na tuah thei a si ti kha zum aw

     Dung ih um mi pawl cu an tang lan dah ta si lo maw?  Si le hmai feh ding in timtuah aw a liam cia mi caan ah na tap zo si lo maw ? A sile cu puitling ding in zuam aw.  Tuisun ti mi hi a ol lo. A sinan thaisun ti mi hi a har sinsin thei. Tu ah harsat nak  na tong, thaisun khal ah na sinpi ding ti cu a fiang cuang lo.  A tha bik ti mi hngak rero cu thatlo nak pawl kha a siat ter sin thei a si.  Cu le a sia bik din hmun cohlan thei hi a tha bik din hmun pawl a thlen ter thei asi.

             A tangdor  tin zohsuam a tul lo, cu mi kha nunnem tin an ko. Si nak sang ter aw rero tu pawl kha zawmtai atul lo cu mi cu  kan lak thiam ding mi nun sim nak asi.  Kan nun ram sungin a mah a suah hmasa caan aum vek in kan mah kan suah cann tla a um ding. Ka tel lo khal le cawl lo in a feh rero a tul vek in a nih a tel lo khal le a nih a tel lo tin din a ngah lo. Mithar pawl kan nun ram ah an ra lut ding, hnatuan thar pawl kan tuan lai ding,  kiangkap thar ah kan um lai ding.  Harsat nak phun kim kan tong thei lai.  Ziangvek din hmun a si khal le thinnau lo dingin le pahtlang ngam ding in a thabik in tim kan tuah cia atul.

             Mithar pawl thawn kan tong aw ding cule kan then aw lala ding.  Tui kan ruah nak pawl a hloh le a dang ruah nak pawl thawn kan hngak lala ding.  Cu vek in tui hnu voi tampi kan naa lai ding. Hnih suahsai pawl kha voi hnih an hnih nawn lo vek in thinnat nak pawl hrang ah voihnih tap hlah.  Hngilh lo nak  pawl ruat sal in nat nak pawl kha Colour hnih tum duh hlah aw.         Pakhat ih hna tuan mi lawng in a sungkua pawl pum a puar ter thei lo vekin duh nak ti mi hi nun nak asi lo zia kha  na thei lai ding.  Thilti sual mi pawl kha a hman ih ruah, A ttuh (alem) kha  a sit ih ih kan ruah tik ah buaih lethmat cu fim nak a si lo kha na thei suak lai ding. 

            Thinhar nak a tambik tu pawl khi hlawhtling tu pawl an si ti nan theih tik ah hlawhtling nak taktak ti mi cu thinnuam, harhdam nak asi kha nan thei lai ding.  Depded nak pawl na huat ni kha cuang hleice ih minung na si nak cu ziangtluk in man a nei ti na thei lai ding. Nun ram cu nuam nak lam pi asi ringring lo ding, voikhat voikhat ah hlingzin tla zawh nak a um ding,  Cu mi ah ka ke ka sit ngah pang ding tin na zawh lo asi le cu na ke pawl kha a cak nawn lo ding. Nazi le tikcu caan ti mi pawl thawn a pehpar awlo.

             Na nun danglam ding cun nangmah kha thlengawk duh nak thinlung na neih a tul.  A sang kai duh ih a hram a hnget lole tangah na tla sal theih ruangah thiam nak nei lo in a sang nak kai a theih lo. A sinan khuitawk hman ka thleng lo ding tin ttong hlah.  Mal te cu feh saan aw zum aw na tuah thei asi ti mi kha.