Nauhak pawl capohnak cu thinlunglam ah harsatnak a tong thei a si.

Nauhak pawl capohnak cu thinlunglam ah harsatnak a tong thei a si.

            Kan ni in capohnak hi kan uar zet theu. Cu ti vekih capoh hnihsuahsainak in pakhat le pakhat karlakah nelawknak a hnget ter ti ih ruahnak cu a sual mi ruahnak a si. Khat le khat capohawk nak ih a cang mi cu thinhengnak, huatawknak a can terih nelwknak khal a hlo ter a si. Curuangah upa siseh, nauhak siseh capoh in hnihsuahsai awk a tha lo a si. Upa pakhat in nauhak pakhat a capoh tikah thinnat ter duh ruangih a tuah mi a si lo thu cu a fiang ko. Nauhak pawl kan capoh tikah nauhak in thu ngai hmang ti ih a ruahnak lole mi a lehrulnak ih a um daan pawl le a thinsau lo daan pawl zoh tikah duh a nung deuhdeuh. Capoh le duhnung tiah lekpi a rak si theu. Asinan hi tivekih lehpinak le capohnak cu a rei vivo cun thinlung lam ih zoh tikah thinlungah hriamhma ah  a cang theu. Kiangkap ih capoh le hnihsuahsaihnak a tongtu nauhak pakhat cu

1.A Mai ruahnak lam ah a tla thul lole a sang thul tin a um thei.                                                                                2. Mah le mah zumawknak a hlo ter.

3. Midang parah rinhlel nak a tam terih zohman a zum nawn lo ter.

4. Ningzahnak, tihnak a tam ter.

5. Zohman kom lo ih milak tlang thei lo dinhmunah a cang ter thei.

6. Midang parah a tha lo zawngih hmuhnak le ruahnak luannak pawl a can ter thei.

7. Midang parah kut thlaknak tiangin a thlen ter thei.

8. ziangvek dinhmun khal ah khuaruah harnak le thinphan luan tuknak a can ter thei a si.

Nauhak hi tap tiangin capoh tikah a cuinauhak a thinheng  ih a airulh lole mi a camriam , mi a thawitikah hi nauhak hi a sualtuk, a lal tuk tiah kiangkap in an ruat ih a nu in nun a sim lo si ding ti tiangih dinhmun a thlen tikah hi mi capoh hnihsuahsainak in innsangah buainak a thlen ter thei a si. Curuangah ziangthu lam a si khal ah duh a nung mi nauhak, zawl lung mi nauhak pawl kha nuamnak menah capoh in an ruahnak pawl an nunram ah tuah pang lo sehla a tha.  Nauhak pawl nuamnak ah tuletu capoh hnihsuahsainak in Negative emotion cang dingah tharthawh thawn a bang aw a si.

Negative emotion ti mi cu

1. Thinhengnak

2. thinphan luantuknak

3.Beidongnak

4. Hnahsik le huatawknak

5. Mahte lawng um ti ruahnak

6. Riahsiat luan tuknak

7. Mawhtuk vekih ruah awknak

8. Mahlemah man nei lo tukih ruah awknak

9. Ningzah nak hi mi ruahnak pawl a can ter a si.

Curuangah nauhak a nei mi nulepa pawl, innsang pawl dinhmun in kan ralrin hi a tul zet a si. Nauknak pawl in an thei thiam lo tiah ruat pang hlah aw. Ttong an thiam hrih lo hman ah mi um daan le ttong dan an thei thiam a si. Nauhak lam ih mifim pawl in naute pakhat cu thla sarih ihsin thokin a mai nulepa in ziangtivek in an tuam hlawm ti mi a theitu naute pawl an si tiah an sim. curuangah mai innsang sungtel asi lole kiangkap inn hnen pawl ih capoh, hnihsuahsainak in mai fale pawl hnen thinlung lamah hriamhma pe rero lo dingah nulepa dinhmun in na deuh ih ngaihsak an tul a si. Rualpi tha pawl ih nauhak pawl hnen capohnak ih lehpi nak pawl khal hmaisong lo ten daiten um men lo in nauhak capoh nak thawi leh pi a that lonak sim ngam tla a tul a si. Nulepa cu fale pawl ih thinlung, thlarau, taksa lam ah humhim ding kan si si lo maw.

Hi thu hi https://howtoadult.com/child-care/ thawn pehpar aw in kan run ngan mi a si.