Nauhak pawl duh taktak asile a tanglam ih um daan tha lo pathum hlo ter a tul.

Nauhak pawl duh taktak asile a tanglam ih um daan tha lo pathum hlo ter a tul.

          Nauhak pawl in a tanglam ih um daan tha lo an neih asile an nunram tluan a siat thei. Nupa pawl dinhmunin thupi ah ruat in remthat lohli a tul.

1. Midang rinsan tuk, thluak hmang duh lo nak, buainak fate ihsin thokin nu pa hnenih bawm nak dilnak

          Duh tuk nak in buainak a cang thei. Nauhak pawl cu an upat tiang ziang tinkim upa pawl an rinsan nak a ti duh mi a si. Buainak mal tete khal ti fel ding an ruat lo, thluak hmang dingah an zee theu. Upa pawl a rinsin tuk tu nauhak cu an thinlung a nau thei. Rauhnak ka lo pek duhmi cu nitin tuahmi thu thenkhat ah nupa pawl in nauhak thil tampi tuah sak lo ding. Tahthimnak ah nauhak kha amah ten rawl ei ternak, pakan kholh ter nak, cutheh in nauhak in tampi thu sut dingah zuam pi ding. Nauhak in amah ten buainak fel ter thei dingah tha pe aw. Nuam teten amah le mah a zum awk nak a thang ding.

2. A duh mi a ngah lo veten thinheng loihli, ngol, mi thawi, cuvek tiang cangnak a suah theinak

          Nauhak mal mi innsang ah innsang zate in naute cu an duh cuang theu. Pangang zuat vekin an zoh, cutiin nauhak cu nuam teten amah lawng hi innsang ih si bik ah a cang. A duhmi asile ngah lohli, ziang khal siseh amai duhnak in a cang. Malte a lungkim lo nak a um le a au, a tap, a thinheng, mi thawi tum tiang a cang theu. Nupa pawl dinhmun in duh zulh a tul caan ah duh zulh ding. Nauhak thil hngak thiam dingin zuam pi ding. Midang ih ruahnak khal ruat thaim seh. Amai duhnak sup thei dingin zir pi ding.

3. Ziang an tuah khal le thinlung pe lemlo, thoknak cemnak um lo.

          Duh mi tamtuk mi nauhak ti duh san a si. Cui duh tam tuk nak cu nauhak lai ihsin hloh ter sak lawngah a ngah ding. Ziang tuah khal ah, ziang vek lek khal ah thok hnuhnu in cem tiang tuah seh. Cu theh in a dang tuah ter aw. Tahthimnak ah zuk suai mi colour (arong) a hnih tikah sii a hnih theh lawngah a dang lek ter aw. A lek theh lawngah Tv zoh ter aw. Veikhat tuah nak tampi tuah ter hlah. Ziang a tuah khal le thupit ter seh.

Hi thu cu MT star page sungta thawn pehpar aw in kan run ngan mi a si.