Nauhak pawl hnen ih a cang theu mi tuah daan (9)

nauhak_hnenih_a_cang_theu_mi_tuah_daan_pakua

Nauhak pawl hnen ih a cang theu mi tuah daan (9)

           Nupa innsang ho tu si cu a har mi hnatuan a si. Nauhak pawl kilkhawi dingah zangfahnak, duhdawtnak le thinsaunak pawl a tul. Asinan nupa a tamsawn cun tuletu ziang ih an rel lo mi cu daan a si. Thinlung lam hnget khoh nak thawn nauhak pawl kilkhawi ding asile um lo thei loih a tul mi cu daan a si.

           Nan fa le pawl thuhla thupi um lo in an thin a heng maw? Mi tuletu a bun maw? Nauhak cu tong tha lo a hmang maw? Asi ahcun zamrangten tthin ter caan a si. Nauhak pawl cu zir ol zettu an siih, an zir mi zaten a tamsawn cu nupa pawl hnen in a si thu thei aw. An nih in nu le pawl ih um daan le tuahdaan pawl an cawng ringring. Nu pawl an zoh ringring. Curuangah a tha mi tuahdaan asilomi nauhak pawl um daan pawl thawn nu pawl ziangtin bom ding timi thuhla pawl tuini kan run lo hlawm ding.

(1) Cawl loin tap (asilole) thutam

           Fale pawl ngaihsak ding in an tap ringring ih tumtah nak nei zet in mi an ti buai asile nu pawl in a lenglam duhdawt nak, ngaihsak nak a tawk zawngin pek lo ruangah a si thei. Himi cu nu pawl ih tuah ding mi a si. Caan ngah tinten thaten pom ding.

(2) Tuletu mi bum nak

           Nauhak cu thuhla fate hman ah mi an bum asile a sual nak pawl a lehrulh duh ruangah a cang thei. Nauhak pawl cu an thinnat a ol ih bumnak in kawk tuar nak in luat nak ding tidaan a si. Anmah thawn biak aw uh. Thil sual an tuah mi pawl zianghman a poi lo.

(3) Self Esteem (mah le mah upat awknak) tum suk nak

           Nauhak cu mahlemah zumnak mal ih mah le mah upat aw lo tiin ruah asile nu pawl in thazang pek nak hnakin ruahnak pek ruangah a cang thei. Nauhak lai ah nauhak pawl cu nupa pawl hnen in forhfial nak (motivation) kha tuletu an hawl ih nupa hnen in motivation an ngah lo asile an tha a nau thei.

(4) Mah ten ding thei lo nak

           Nauhak pawl cu anmah le mah advocate (an mah le an mah an lungkim pi nak) an tuah thei lo ding tiin an ruat asile himi cu mi hmai ih sual puh theu ruangah a si thei. Himi cu rualpi pawl, ulenau (asilole) hmun hla ih sungkhat hmai khalah a si thei. Curuangah zuamnak thawn pial aw. Malte sual ti theih a sile amah ten um caan ah nunsim aw.

(5) Midang thilri lak nak

           Fa pawl an thilri leih sak cing in midang thilri an lak timi nan thei maw? Himi cu an hrang leih sak mi pawl an hril nak a tel lo vekih an ruah lo ruangah a si. Fiangten sim ahcun nupa pawl hmuh nak ih lei mi thilri pawl an duh mi a silo. Curuangah thillei caan ah anmah pawl tel ter a sile cuvek tuahdaan an colh lawng siloin nu pawl thawn khal lungawi caan a um ding.

(6) An tih zet maw

           Fa le pawl olten an tih maw? Nu pawl ih kilhim duh nak ruangah veikhat veihnih nangmah cu anmah khamtu zaten an lam zin ihsin hlon sak a theih. Asinan himi in an mah pawl zumnak a mal vekin tuar ding in a tuah thei. Annih in nule pawl ih bom nak tel loin ziangvek donkhamnak hman pah thei lo tiin an ruat thei. Curuangah mai fa le pawl rinsan hnget in tuanvo lak thei nak pek aw.

(7) Halhsik nak

           Nu pawl in fa le pawl tuletu halhsik nak an nei tiin na zum maw? Nu pawl dinhmun in fale pawl midang thawn pelh loin tahthim ruangah asi thei. Curuangah anmah pawl tha dingah tiin ziang tluk in ruat asi khal le a dang nauhak pawl thawn tahthim ti vek hrial aw.

(8) Ngaihsak nak hawl nak

           Fa le pawl an tumtah ih an ngol ih an thinheng ringring asile ngaihsak nak an ngah lo ruangah a si. A tam sawn in nauhak pawl cu nupa ih ngaihsak nak ngah dingah pakhat lawng asimi tuahdaan asi tiin an ruat ruangah an sual theu.

(9) Midang ih tuarnak ziangih rel lonak

           Fa le pawl an rualpi pawl ih tuarnak ziangih an rel lo a si le hi mi cu nu pawl ih an tuar nak ziangih rel lo nak ih rah suak a si ding. Thu pek tivek hnakin daiten sim a tha sawn.

           Veikhat veihnih kan tuah mi pawl in thatnak hnakin siatnak pawl a cang ter timi kan thei ngah lo theu. Cu theh in nauhak pawl timi cu an no ih thinlung nat a tuar thei lo tu pawl an si. Curuangah himi pawl thinlung sungah hminsin aw. Nu pawl a tha mi hoha tu nan si ding timi zumnak thawn kan run ngan mi a si.Hi mi thu cu fale pawl thin lunglam thansonak ding hrangah kan thei tul mi a si. Hi mi thu hi lovemedia ih an tarlang mi thu thawn kan run rel mi a si.

 

Add new comment

7 + 2 =