Nauhak pawl an ih tikih thuanthu pawl simnak le casiar saknakin thansonak ziangtin a bawm?

Nauhak pawl an ih tikih thuanthu pawl simnak le casiarsak nakin thansonak ziangtin a bawm?

          Nauhak pawl cu an nauhak lai ah ziang tinkim an zir theu ruangah thil an thiam ol ih cu mi cu caantha ah la in casiarnak vek tuah daan kel hrekkhat zirh a tha. Nauhak casiar saknak in an thluak thansonak, nangamah thawn an um lai ah a dang a thupi mi thiamnak tampi a khaisan sak ding. Curuangah zaan tinten cauk siar sak nak thuanthu simnakin na fa le pawl hrangah hmailam caan ah mangbangza pawl a cang thei.

Nauhak thinsau thiam dingin zirh a theih…..

Tangdor thinniamnak cu mi tampi ih  tul sam mi nunram ih man hla zet mi thiamnak pakhat a si. Kan nauhak pawl an nauhak lai ihsin zirh a theih ruangah sim mi thuanthu pawl ngainak in nauhak pawl an thin a sau ter. Thinsaunak thawn khaisannakin nauhak thatho zet ih thungainak ah khal a tha deuh ter. Cu lawngah hmailam caan ah na fa te pawl cu minung pawl a ngai sak ih man nei ter ding mi listener (thungatu) tha pakhat ah an cang thei ding.

Na fate ih cafang theih mi a tam ter….

Casiarnak cu kan mai hrang lawngah si lo in nauhak pawl hrangah khal a tha. Rhode Island siizung ih rak tuah mi zinzoinak pakhat vek a si le ca siar sak mi nauhak pawl cu ca siar sak lo mi nauhak pawl hnak in cafang pawl an thei tam sawn. Nauhak pawl ih cafang cohlan mi zateek 40% a than thu a rak langter. Ca rak siar sak lo mi nauhak cu zateek 16% lawng a um kha hmuh a theih .

An ruah thei nak a thang ter…..

Casiarnak in kan thil ruah thei nak a kauh ter ruangah a mah kel vekin nauhakih ruahnak a thangphawk sak. Kan fate pawl tampi siar sak deuhdeuh le cui tongfang pawl thawn thuanthu pawl cu an thinlung sungsah ruah a ol deuh. Thluak cat bang lo in zirhnak in nauhak pakhat ih ruah theinak a thangso ter ih thil tuah theinak a um ter.

 Mi zawnruah thiam dingin zirh aw…..

Ca uk pawl ah zawnruahnak a um tin a ruat ngah dah lo ding nan nauhak pawl hrangah a thupi zet mi nunram thil ti thei nak cu nauhak lai ihsin zirh a theih. Thuanthu pawl nauhak pawl in an mah rori ih an siar tikah lole an mah siar ter tikah lemcangtu ih hmuhnak in hi film an tep thei. Cu lawngah an ruahnak pawl thei in an hmuhton mi pawl tuar in cui lemcangtu pawl ih cang rero mi an thei thiam ding.

Pehtlaihnak tha pekin tong thiam nak ah a thangso ter….

Casiarnak in nauhak ih pehtlaihnak a thangso ter. Nu le pawl ih ca siar sak lai ah tong lo ding ti vek, thusuhnak pawl suh a si le thinheng hlah aw. Hi hi thil tha zet mi a si. An thusuh mi pawl let sal aw. Thuhla pawl simfiang in na siar rero mi thuanthu ah a cang rero thuhla pawl nunram ah a cang thei mi thil pawl thawn a pehtlaih aw. Lemcang tu pawl ih tuar mi le neta ah ziang a cang thei ti suhnak thawn an mah pehtlaih ter thei dingin bawm aw.

Thuruat thiam dingin zirh a theih…

A thupibik in nauhak pawl cu an ruahnak a dangdang ih a pial ol tuk ruangah ca siar sak  nak thawngin thinlung tak thawn zirh a theih. Thutamnak mal ter thei tu thuanthu theifiang thei dingah daiten to in ngai a tul. Casiar daan that daan cu mah te thlun mi cin le daan (selh-discipline) a tha ter. Thu ruat hiam nak a tam ter. Thluak a tha ter. Hi pawl zaten na fa le pawl tlawngah khal mi upa nunram khal ah thatnak a pek tu ding thiamnak pawl an si. \

Nauhak ca siar sak nak in ca siar a duh ter…..

Nauhak pawl an nauhak lai ihsin ca siar saknak cu ca uk pawl siarnak paih dingah a bawm rero. Ca uk pawl thawn pehtlaih tikah nauhak pawl an upat hman ah video game pawl, TV le a dang entertainment vek pawl hnak in casiar an hril theinak ding lamzin a tam sawn. Hi mi thu cu thutahzone ih an tar mi thu thawn pehpar aw in kan run tarlang mi a si.

Photoes- google image

source- thutazone