Nauhak pawl kum 6 kim hlan tuah sak dingmi ti daan tha (6)

nauhak_pawl_kum_ruk_kim_hlan_ih_tuah_sak_ding_mi_pawl

Nauhak pawl kum 6 kim hlan tuah sak dingmi ti daan tha (6)

            Kan nunsung hmuahhmuah kan fa pawl ih nupa dinhmun in kan din pi ding. Hivek caan ah an upa dingih mi upa an si ding timi hngilh lo ding. Curuangah nauhak laiah um tlan daan tha ruahnak tha pawl sim dingah a thupi. Hi vekih sim nak in mah le mah zumnak neihnak, mi rinsan loin puitling tiin an um thei ding.

            Nauhak pawl cu an suah pek ihsin kum 7 tiang ti phul vek an si. Kiangkap ih sia tha zaten an lak. Curuangah cumi caan cu anmah pawl a tha a sia thleidang thiam dingah zirh ding a thupi. Tuisan ah nupa dinhmun in zuk, music, math, laam cuvek thil zirnak ah an tha a tho nan, nauhak lai a hleice tuah sak dingmi thil tha pawl zuam dingah an hngilh. A tui sim dingmi cu nulepa rori zohthim tlak tiin um in zirh dingmi thil tha (6) a si.

1. Upat thiam nak

            Nupa rori in fale pawl upat nak hmuh ding. Cutilawngah nauhak in a kiangkap ih rualpi, saya/mah pawl, ramsa pawl, nunnak nei mi, nei lo mi zaten an upat thiam ding. Hivekih upat thiam lawngah nauhak in amah le mah zumnak taksa thinlung himnak pawl a ngah ding. Cui hleiah,

(a) Nupa in nauhak upat daan ziangtin hmuh ding.

(b) Nupa in nauhak upat thiam dingah ziang tin zirh ding. Himi cu a ol zet. Inn ihsin zir thok in a rem nak tinkim a lenglam fehnak hmun khalah hman a theih. Nupa in nauhak upat daan ziangtin zirh ding.

(c) Nauhak cu ziang a cang duh. Nauhak ih duhnak thupit in sut ding. Tahthimnak ah rawl ziang na ei duh, ziang mi suang sak ding. Leng suak ding asile ziang mi hruk duh. Lek nak ding lei tikah a duh mi hril ter nak pawl a si.

(d) Nupa in nauhak upat thiam dingah ziangtin zirh ding. Nauhak in a neih lo mi pawl midang thilri pawl dil loin, lalo dingah zirh a ngah. Tahthimnak ah, nu ih thuamhnaw ret nak bizu pawl mai duh daan ih ti hnok rero hnakin naute cu thuamhnaw ret nak in ziang a tul tiin sut ding.

            A duh mi hmuahhmuah ngah ter in siatsuah loin a um nak hmun ih ret thiam dingin sim a tul.  Himi cu a thok lam ah a har ding nan thinsau ten tuah aw. That hnem nak a um ding.

2. Tuanvo lak thei nak

            Nauhak timi cu kumkhua nauhak tiin an um lo ding. Annih pawl cu nitin an thang lian. Nauhak lai ihsin tuanvo la thiam dingah zirh nakin an tuanvo an tuan thiam ding. Tlawng fim zir nak ah a thiam ding. Hnatuan a ngah tikah hnatuan zuam in hmin tha a ngah ding.

            Kum 1 ihsin 4 minung pawl an lek theh veten an lek nak thilri ret that thiam dingah zirh aw. Amah thawn ret that uh. Pa khat khat ret that tinten thil tha pa khat khat tuah theh tinten lom ding hngilh hlah. Himi cu hivek thil tha tuah rero dingah forhnak pakhat a si ter. Asinan nauhak in a duh zet mi lek nak pakhat khat a siat ter pang asile leih loihli hlah. Cumi a siat mi ihsin zir seh. Tuanvo lak thiam nak thawn pehpar mi ca siar sak aw. Cu theh in thusut in thu rel tlang uh.

3. Har tuar thei nak.

            Harsat nak tuar thei dingah zirh nak in thil sual tuah pang hman ah sir awk nak thawn tlu loin thil sual ihsin a zir thei ding. Nauhak cu olten beidong lo dingah tuletu zuam dingah nauhak laiin zuam pi a theih. Tahthimnak ah, Bolck tivek sak tikah a tlu asile tha pe in sangpi thleng thei ding ah sak ter in theh tikah lom ding.

            Khat lam khal ah nupa rori khal harsat ton asile ziang tin fel ter ding timi nauhak pawl in hmu seh. Tahthimnak ah, a siat mi computer rem that, mah in duh lonan nauhak duh mi Nursery Rhyme kha ngah dingin hmuh aw. Nauhak thawn hmunkhat ten tuah nak a si.

4. Tlaitluang nak

            Himi thulu cu nauhak kilkhawinak ah a thupi bik nan kan hngilh theu mi thu luu kan tile a sual lo. Tlaitluang nak cu nauhak zirh ter duh asile nupa rori in fa le pawl biak tikah tlaitluang ding. Ziangtin tlaitluang ding timi cu thei fiang dingin tahthimnak sim ding asile nauhak ih thusuh mi parah tlaitluang ding.

            Nauhak ih thu an suh a si le tlaitluang ten sang ding. Theih lo khalle theih lo thu, mai sualnak parah pom thiam ding. Nauhak ih mi a bum asi khal le hrem ding hnakin thuhman sim ngam dingin tha pe aw. Nauhak in thu hman a sim tinten lawm aw.

5. Ngaihsak thiam nak

            Mi dang a ngaihsak thiam tu nauhak cu midang an thei thiam ih an zangfah thiam. Himi cu ziangtin zirh ding, kiang nai bik ih leknak thilri pawl cu a tul nak hmun ah pek nak, a dam lomi rualpi hrang Get well soon card lei tlang in hmun khat ten tha pek nak pawl tuah sak an tul.

6. Daan felfai nak

            Nauhak laiin cin le daan nei pawl cun an upat vivo nakah  a nunram sungah tlawng ca khalah hnatuan nak pawl ah an thiam nal. Himi tuah daan tha cu nunram hrang a thupi mi thubot cat ding caan, a sannak hawl nak ding caan ah a bom zet. Cutiin cin le daan tha nei dingin ziang tin zirh ding.

(a) Mah rori ih cin le daan neih ding a tul. Hnatuan thok mi tinkim cu a cem tiang tuanvo la in tuan suak ding. An Hnatuan thok mi pawl innsang mi pa khat khat in bom nak tuah lo ding.

(b) Nauhak kha rawl thaten a ei theh hnu lawngah a dang ei ter nak, mai leh nak pawl mah ten ret that nak, Himi tuah daan thu pawl zirh nak in nauhak in nunram ah ziangtin um ding ziang mi thupi ih ret ding, ziangtin um in sim ding timi an thei ding.

Source : lovemedia

 

 

Add new comment

2 + 0 =