Nauhak pawl thudik theihnak thangso dingah ziangtin bawm an tul?

Nauhak pawl thudik theihnak thangso dingah ziangtin bawm an tul?

Nu le pawl in ‘a dik lo’ timi ttongfang ttong theu mi pawl nu le pawl dinhmun in siarcawk lo in nan thei theu ko ding. Unau hnih te an ngah dah lo mi caantha rak pek ruangah ziaza tha lo ruangih ngah mi neta ih a cang mi pawl an co ngah ih dai bualnak tili sungih an duhzat hnakih tuan ten suah ter ruangah….cu vek thuhla pawl ruangah a cang thei.

          Asinan, an sim mi pawl theihthiam ding cu kan mah dinhmun in nauhak pawl diknak theihnak thangso dingah ziangtin tuah ding ti hmaisabik ih theih a tul. Kan nauhak pawl ih thudik cu an kum ih zir in thansonak parah a dang aw.

Pakhat nak ah:

          Nauhak pawl in kumli tiang ziaza lam ih ruah daan tha ngaingai an nei hrih lo. An hrangah an duh mi lole an hai mi tinkim cu thu dik tiah an ruat ih an duh lo mi hmuahhmuah cu a cu a dil lo tin an ruat.Hi mi ruangah an leh nuam lai ah bualrawn ihsin suahter tengteng hi a dik lo a silole tlawng uniform hruh dingah angki dang hlit ter nak hi a dik lo tiin nauhak pawl in hngetkhoh zet in an sim theu. Nunphung foundation pawl an theih hrih lo vekin an tuah dingih kan dil mi pawl hrangah a tul mi an thei hrih lo. Tahthimnak ah: Nauhak in an duh mi pawl tuah (lole) an sim mi thlun dingih sim tikah ‘Ka nu a dik lo’ tiah an ruat theu.

Pahnihnak (moral realism)

          Neta lam kum 5-8 lak nauhak pawl cu ziaza lam ah a taktak dinhmun ah an thleng. Hi caan ah thil pawl hi nulepa, saya, lole Pathian vekih thuneitu pawl ih tuah mi a lenglam thil pawl tiah an thei. Cin le daan pawl an thlun lo a si le a thlun lo mi tumtahnak thawn cat lo in cawhkuan pek kan tuar ding tiah an ruat. Curuangah rinlo pi in thil pakhat khat a can pang le an kawr parah a ti pawl fuan ter ruangah suahpi unau pakhat khat cawhkuan pe dingih dil caan te te hmuh a theih.

Pathumnak (Moral relativism)

          Netabik kumkua ahcun cin le daan pawl cu minung pawl lakah lungkimnak pawl an si ih mi tampi thatnak hrangah thlun tul mi pawl an si tiin an thei. Cu vekin an nih cun midang pawl ih tumtahnak pawl le an tumtahnak pawl ih rahsuak pawl an ruat theu. Cui hlei ah cin le daan thawn a mil aw mi pawl a si thei dingih reltlang ding tiangin a can thei thu an theifiang.

          Nauhak pawl thudik timi ruahthiamnak nei dingin bawm daan pawl:

  • An nih cu an nauhak lai ih kan mai thusimmi famkim zetin an theithiam lo tiah kan ruat men thei nan kan tuah mi cin le daan pawl hrangah a thu hrampi an mah simfiang dingah zuam a tul. Nu lole pa in hi tin in sim ruangah, ih ding ti hnak in thaisun tlawngkai ding, cawlh a tul ruangah an ti lala a si men thei.
  • Rawlei tlangnak le innsungsang zaten a bang aw mi tuanvo pawl pek a tul. Cin le daan pawl thlun in tuah tlang hi kan zate hrangah a thathnem thu nauhak pawl in an mah ten an thei ding.
  • Critical thinking thangso ter dingah hmuhdaan pawl sim dingah cin le daan pawl thusuh caan pe aw. An thu elawknak ngai khal a tha.

Nu le pa pawl dinhmun in kan tumtah mi pawl cu kan fale pawl thungai ter ding si lo in man neih zia thinlung sungih cin ding thawn thei sual lo in thlun ding a si ti thei ringring aw. Cu vekih tuah dingah kan neih mi a tha bik thilri cu upatnak le rinumnak huap thei tu a harhdam mi innsang pehtlaihnak thawn kan zohthim tlak a si. Hi mi thu cu love media ih an tarlang mi sungta thawn kan run lo hlawm mi a si.

Add new comment

9 + 1 =