Naute ih tong nak le theih thiam nak thangso dingah tuah daan pawl

Naute ih tong nak le theih thiam nak thangso dingah tuah daan pawl

              Nauhak pawl ih thangso nak cu pakhat le pakhat a bang aw lo. Thenkhat nauhak pawl cu tong thiam an ol nan thenkhat cu kum khat tiang hrawng an tong thiam a har. Feh thiam hrih lo mi naute pawl kiangkap ah tampi hmuh a si. Naute ih thanso nak cu naute ih thil a zir thei nak thawn a pehpar aw lo. Nupa pawl ih tuahtuan daan le an zirh thei nak thawn a pehpar aw.

              Naute cu thla 4 asilole thlanga hrawngah kiangkap aw pawl an zir thok ih kumkhat hrawng cun cawng dingah an zuam. Naute ih a kum ih zir in phun 2 an zir ruangah an tong thei mi tong le an zir mi tong phunhnih karlak ah an aw suak a sual thei. Naute cun tampi a tong hrih lo nan thu ngai in thei thiam dingih a zuam rero ruangah naute ih thansonak tha pe tu ding zirh nak pawl nupa pawl din hmun in khaisang ding a tul.

1.Tampi tongpi aw

              Tongtam deuh mi nupa pawl ih fa cu an tong a ol ih anmah sung daan tiin lawng kan hmang tam. Asinan naute in ziangruangah hivekin a thiam nak a sang tiin kan ruat thiam lo. Naute thawn nitin a um tlang mi nu pa pawl in tampi an tong tikah naute in a zir rero ruangah theih thiam nak le tong daan ah a bawm. Curuangah naute kiangah hlasak, biazai siar, thuanthu siar tivek pawl cu naute ih thanso theinak a thang ter thei.

2. Thilri pawl hmuh ih biaknak

              Naute pawl tong dingah hminsin ol mi pawl cu mai simmi zuk hmuh in zirh nak a si. Tahthim nak ah tonak, bawhlung tiiih sim tikah thilri pawl khal veikhat ih hmuh thei nak cu hminsin nak a thang ter. Thla tilai hrawng asimi naute cu a rang le dum zawng a theih thiam hrih lo ruangah a rang le dum zawng zuk thawn naute zirh a tul. Nu tiin mahlemah hmuh aw ih sim nak cu naute ih a hmaisabiak an zir thei mi thil a si.

3. Cangvaih daan kut ke thawn biaknak

              Thenkhat thanso daan a nehhnu mi naute pawl cu an nupa pawl thawn pehtlaih dingah kut ke thawn biak daan an hmang thei. Tahthimnak ah naute a rilrawng caanah a kut zung pawl a kaa ah ret in nu in hmu dingin an lang ter nak pawl a si. A tong mi ih san kha nu pawl in an tuah thei nak in naute ih thanso nak hrang thinphang ding a tul lo. Pehtlaih dingah zuamnak cu naute in a zir rero lai timi thu hrangah naute ih zir nak parah na bei dong hlah. Pehbet in pehtlaih thei dingah zuam bet aw.

4. Tihphan ding caan thei aw.

              Naute thla 12 a kim hman ah nupa thawn ziang hman tong thei hrih lo, a duh mi lang ter thei lo, midang a lehtul hrih lo, tong rero mi a thei hrih lo asile naute cu siibawi hnen hmuh aw. Naute kumkhat le hrek ihsin kum hnih luan asile naute cu mi khual pawl telin upa pawl le nupa pawl ih tong mi hmuahhmuah an thei thiam zo. Na fa a aw a hak asile buai nak a silo. Tong hak cu daan kel asiih a hleicein naute ih ruahnak le tong nak pawl zamrang ten a thang caan ah asi theu. Thla ruk hnakih tam an aw a hak asile siibawi pawl hmuh aw.

 Photo -Google image 

Reference- Mymom