A ngaingai ih rualpi tha

A ngaingai ih rualpi tha

          Mee te pakhat cu zaanlam khuamuai zikah tlang parah a khir ih a mah ten a lek rero. Cinghnia pakhat cu hrambur ihsin a ra suak ih mee kha deh dingin a dawi. Mee cu tih cing in a tlan ih au phah in bawmnak a dil. Hramlak in caw a ra suak. Asinan cinghnia a hmuh ve ten a tlan. Tlang par ih um mi rang khal cun a zoh ve. Cinghnia ti a theih ve ten a tlan san. Ngal khal in lamzin a feh phah in a hmu ih zamrang ten tlangthuai lamah a tlan. Sabek khal in au aw a thei. Zamrang ten a hlat nak lamah a tlan. Tlangthuai ih um mi ui cun “In bawm uh ti” au thawm a theih veten tlangpar ah a tlan ih cinghnia ih  hngawng cu a ti thei tawk in a keu. Cinghnia khal in a tlansan. Mee te cu a run ngah.

          Mee te cu inn a thleng sal ih thuhla cu an sut ih an awn celcel. Caw in “Ziangah saw in sim lo ka ki thawn ka kik le cinghnia cu a ril hman a pot thluh ding” a ti. Rang in “A kiangih ka um lo ruangah si ka ke thawn ka saih dingih a thluak hman pot ding” a ti. Vok in “Ka um lo ruangah si ka ho hi ziangtluk a tha a thei ding nan” a ti. Sabek in “Ziangah saw in sim lo a malbikah ka tlan a rangih lo bawm dingin thu ka than thei ding nan” a ti. Asinan Mee te a bawm tu Ui cu cui an thurel nak ah a tel ve lo.

          Hi thuamthu ih in zirh duh mi cu kan kiangkap ih in kulh tu minung pawl cu harsat kan tongcaan ah in bawm tu an si thluh lo men thei. Kan page ih ca a rak siartu zate parah Pathian in a thlar in thinlung thlarau damnak lo pe hram seh.