Nun ram ih ton theih mi minung phunthum

Nun ram ih ton theih mi minung phunthum

1. Thinghnah thawn a bangaw mi minung
2. A kung thawn a bangaw mi minung
3. A hram thawn a  bangaw mi minung

1.Thinghnah thawn bangaw mi minung

      Hi pawl cu na nunram ah rei lo te sung hrang lawng an ra thleng.Thinghnah                                            cu an thamal vek in an nih cu ti aw ter mi minung pawl an si ruangah na nunram hrangah rinsan an tlak lo.  An ngah duh mi a um ruangah na hnen an ra nan thli a hran le hnah ro pawl an tlak vekin na remcang lo caan ah an lo tlansan ding.  Hi vek minung pawl kha ralrin a tul. Na remcang caan ah an lo duh zet konan na harsat caanah na kiang ihsin an lo tlansan ding.

2.A kung  thawn bangaw mi minung

        An nih cu thinghnah hnakin an khoh deuh. Sinan an nih khal ralrin a tul. Na nun a harsat tikah (Thingkung cu a rit nak kha a luar tukih a din awk lo tikah a kiak vek in) nangmah thawn an hlat aw theu ding. Nidang ah nangmah thawn an um tlang men thei nan na nun harsat nak na ton tikah an nih cu a hlat nak ah an tlan theu.

3.A hram thawn bangaw mi minung

       A hram thawn bang aw tu minung pawl cu na nunram hrangah an thupi zet. An nih cu na kiang ah an um ringring nan na hmuh ding in an tuah lo. Harsat nak na pahtlang caan hman ah an lo bawm ding ih an nih cu na kiang ihsin tlan an tum lo ding. A hram cun a kungpi hrang ah tidai a pek vek in an nih cun an lo duhdawt asi. Nunram ah na hmuh mi minung zaten rualpi tha an si lo. A hram thawn bang aw mi rualpi lawng na kiang ah an um ding. Asinan nangmah bulpak khal a hram vek ih minung si na tul.