Nunram ti mi cu um thiam lawng a tul

Nunram ti mi cu um thiam lawng a tul

          Can duh mi pawl cang a theih lo nak leitlun pi ah kan beidong ih kan thanau a si le ziang a tha hnem cuang. Kan zuam zat in kan ngah ding.

          Ka nunram cu ka va vansia ve tin thanau ding aiin mah ai ih nunram dinhmun a sia mi minung hrekkhat ih nungram kha zoh hnik aw. A nuam lo ti na ruah mi ni ah a hlan ni pawl ah nuam aw zet in na pahtlang ko si. Mah pakhat lawng kan van siat lo vekin mah pakhat lawng khal kan van tha lo. Ttah na duh caan ah thinlung tak in ttap aw. Hnih na duh caan ah zalen zet in hni aw.

          Mai nunram kha thinharnak pawl thawn khat ter hlah. Mah hrangih a thupi lo mi pawl khal ruat rero hlah. Nunram khal a um dan vekin pahtlang in mai si nak kha duh aw.

          Kanmah cu mitha pakhat kan si lo hman ah zo hrang hmanah buai nak si ter hlah. Mai khualtlawng nak zin ziangtluk a har si khal le mai hrangah mah cu thazaang si ter aw.

          Leitlunpi mai lamah a um lo hmanah mai hrangah mah um a tul. An ttong theu vek in “Lungawi zet ih um cu thih a har.”

          Mah in neih mi zianghman um hlah seh. Leilung pi ih mawi nak cu zalen zetin hmangin zalen zetin kan um ding.

          Ziangvek din hmun a si khal le nungram ti mi cu um thiam a si le  a nuam zet tin boruak kha hni siamsii ten ka sim leh ding.