Nunsim a duh lo mi nauhak pawl fim dingin tuah daan (8)

Nunsim a duh lo mi nauhak pawl fim dingin tuah daan (8)

          Thenkhat nauhak pawl cu an nauhak lai ihsin malte hman ti theih lo lawlaw in an thin a tawi. An nauhak lai ahcun a poi tuk lo nan upat tiang an thinlung uk thei lo in an thin a tawi asile a tha lo. Curuangah ti a theih lo lawlaw mi nauhak pawl ziang tin sim ding timi thu kan run lo hlawm ding.

1.Zangfah nak thawn pehtlaih ding.

          Na fate kha mi lakah a thutam asile kawk lo ding. A kiangah um in a thutam nak san sut ding. Cui hnuah a sannak pek loihli lo ding. Cuihnuah mi lak ih feh le um tikah thinlungih a ummi ziangtin sup ding tiin zangfah nak thawn zirh ding.

2. Zianghman a poi lo thu sim ding.

          Nauhak pawl mi lakih an tap asile upa pawl in hmun pakhat khat ah hruai in an kawk theu. Cutikah nauhak pawl ih ruahnak a thupi lo tiin an thinlung ah a cang. Curuangah nauhak pawl ih ruahnak theih sak in a that thu sim ding.

3. Hril ding mi ruahnak pek ding.

           Mi huatsuak deuh nauhak pawl in midang nauhak pawl an hmuhsuam theu. Cutikah a rei asile a sual ih mi hmuhsuam theu nauhak thawn zo hman an lek duh lo. “Ka fa mi dangin hivekin an lo ti asile ziang tin na tuar ding” cutiin zonruat thiam dingin zirh a theih. Nauhak khat le khat an sual awk ding asile pial a theih, thindai dingin thaw hop in vei 10 tiang siar a tul thu sim aw.

4. Thinsau ten um in nauhak pawl an mah te caan pek ding.

          Thin tawi deuh nauhak pawl in anmah te um an duh. Curuangah anmai thinlung duh ca siar thei dingin, lek thei dingah anmah te caan pek ding.

5. Ttihnak thinlung hlo dingah bawm an tul.

          Nauhak ih ttih mi pawl raltha zet in pah ter nak cu ttihnak thinlung malter nak phunkhat a si. Asinan nulepa pawl dinhmun in thinsau a tul. A hman mi tidaan hman tikah nauhak pawl ih ttihnak a hlo. Asinan thil sual an tuah ruangah hrem nakah an ttih mi pawl tuah ter asi tiin nauhak pawl thinlung ah ruat lo ding a tul.

6. Inn zuat sum hnam

          Thin tawi deuh mi nauhak pawl hrangah innzuat sumhnam pawl cu rualpi thabik an si. Uico pawl, zawhte pawl zuat tikah an thinlung a nem ih zangfah nak an thiam.

7. Nan inn ah nauhak pawl hrang a dang ten hmun tuah sak aw.

          Mi huat suak deuh nauhak pawl in kiangkap an thei thiam ol. Nan inn ah nauhak pawl hrang a dangte hmun pawl tuah sak a tul. Cutawk hmun cu a thin a bang tin in colh nak hmun tiah an ruat.

8. Daan na tuah mi thaten sim fiang aw.

          Na fa a sual ih a hrang ah daan a dang ten ret tivek a tha lo. Curuangah nan inn ah mi tinkim ih thlun thei ding mi daan pawl sim ding. Cutikah nauhak hrang a dik vekin a thlun thei. Hi mi thu cu nulepa le fale karlak ih a tul zet mi ti daan pawl an si.