Nupa le innsungsang

Myanmar, Chin Tribal FamilyMyanmar, Chin Tribal Family (Photo: by Crystal Zone Myanmar)

Nupa le innsungsang

            Kutsihnak cu Khristian pawl hrangah tikholh nak phunkhat a si. Innsungsang cu minung pumkhawm nak hrangah a thupi tuk. Minung pumkhawmnak ih a thupi mi thenkhat a si ruangah a si. Minung ih thansonak, damnak, tesinfa pungzainak pawl cu innsungsang parah a thum aw. Minugn cu midang pawl thawn pehtlaih awk nak, komaw dingah a tul mi hrimhrim a si.

            Innsungsang ih pehtlaih awknak cu a thuk bik mi pehtlaih awknak a si. Pakhat ih nunnak hrangah mi pakhat ih nunnak a thangso. Nulepa pawl cu pakhat le pakhat par ih ret mi duhdawtnak in anmah ih pehltiah awknak cu Pathian in a sang ding. Pakhat ih nunnak cu adang pakhat hrangih pek awknak in an nunnak cu Pathian hnen an pe.

            Cutiin nulepa pawl ih taksa le thinlung cu pakhat hnen ih pek dingah thianghlem ten zuam nak in anmah thawn a pehzom aw mi an taksa cu man a tam ding. Nu cun pa ih fimnak in, pa cun nu ih fimnak thawn a famkim mi nun lungawi nak ngah ding ah zuam a tul.

            Cui lungawinak in innsangsung a harhdam ter ding. Nulapa pawl cu pakhat le pakhat lungawi aw ter ding. Anmah ih khat le khat an kom awknak cu an pa hnih ih minung lam ih hngetkhoh nak le a famkim mi an lang ter. Cuiin nulepa an pahnihih lungawinak cu fa le pawl in an co dingih cui innsangsung ih lungawi nak le daihnak cu kiangkap ah a karhzai thei ding.

            Pope John Paul (II) in Pawlpi ih hmailam le minung pawl ih hmailam can cu nulepa pawl le anmah ih din mi innsungsang parah a bun aw ti'n a rak sim dah.

Add new comment

1 + 8 =