Puitling thlang aw

Puitling thlang aw

          Mi tha lo pawl ih an lo relsiat mi el sal thiam mi thinlung cu a puitling hrih lo.

          Fim nak nei lo pawl ih hnisan nak le zomtaih nak pawl tuar thiam lai mi thinlung cu a puitlin hrih lo.

          Ziangthu hman silo ih mi dodal mi pawl simsal rero mi thinlung cu a puitling hrih lo.

          Dingfel cu a tha ko nan hmaisongnak thinlung ruangah tuletu bum tuar rero mi tuahdaan cu a puitling hrih lo.

          A hmuh dan, ka hmuh dan ti zawnruah nak pek thei lo tu duhham mi pawl thawn el aw rero lai mi thinlung cu a puitling hrih lo.

          Duhsak nak neih ih pek cu a tha ko, nan zaangfah nak thinlung ruangih cawi ngah pang tikah hrukhrol pawl ih tu le tu bum tuar rero laimi tuah dan cu a puitling hrih lo.

          Mah lawng sim duh ih mai tong cu ngai sak dingah zawnruah nak a nei lo mi pawl thawn biakawk nak tuahdan cu a puitling hrih lo.

          Thu dik thu hman kha ziangsiar lo in thil suak lawng hmu ih relsia tu mi mitha lo pawl ih um tlan dan,mi thalo pawl kha tuar theu rero lai mi thinlung cu a puitling hrih lo.

          A puitling hrih lo mi thinlung pawl ziang tik na puitling ding. Tha te na ruah lo a si letule tu tuar aw. Kum khua a hmun lo mi nungram cu mi pakhat ih pek mi vansannak pawl tuar in caan na cem ter men ding maw.

          Puitling thlang aw puitling thlang aw  puitling thlang aw………