Ruahnak a bangawk lo tikah tlandan khal a bangaw lo

Ruahnak a bangawk lo tikah tlandan khal a bangaw lo

         Veikhat laiah satawi pawl ih an hruai theu mi Ui pakhat cu sabek pakhat a hmu ih a dawi. Sabek in khal satawi pawlih an hruai theu mi Ui in a dawi ti a thei ih a tithei patawp in a tlan. A phunphun in a hel ih a tlan.

Cutin sabek cu a luat nak hmun a thlen tikah “Hei… Ui ziangti i dawi a si khal len in kai ngah lo ding” tin a sim. Ui in “Ziangah maw?” ti a sut sal tikah sabek in ziang a ti tile “Nangcu veikhat pumpuar ding hrangah in dawi… keicu kumkhua hrangah ka tlan… ruahnak a bangawk lo tikah kan tlandan khal a bang awlo” a ti.

         Hivek thotho in “Mi tinkim cu ei le in, sin le fen ding hrangah hna kan tuan. Asinan… a bang aw lo mi cu.. hrekkhat cu nikhat hranglawngah hna kan tuan. Hrekkhat cu kumkhua hrangah hna kan tuan.

         Ziangziang a si khal le sabek te hman in kumkhua hrang a tlan thei a si le... kan mah khal kumkhua remcang dingin hna kan tuan thei a tul.