Ruhcang nat nak eiin  thawn dam ter nak thu.

ruhcang_nat.

Ruhcang nat nak eiin  thawn dam ter nak thu.

Uric acid ruhcang na (gout) nat nak ih ei ding le ei lo ding in ei pawl

            Uric acid timi cu in ei tam pi ihsin ngah mi purine dat a darh nak ihsin a suak mi product pakhat a si. Taksa in purine protine phunkhat a ti siat nak ihsin uric acid timi dat phunkhat a suak. Uric acid cu a tam sawn in zun sungah a tel nan kaileng thaten hna a tuan lo asile taksa cu Uric acid a tam sawn a suah asile cumi in buainak pawl a cang ter thei.

            Uric acid a tam tuknak in ruh cang pawl ah um in gout nat nak tiin theih mi a thling, natnak pawl a cang ter thei. Kai leng (Kal) sungah substance pawl an kom aw thei ih kal ah lungto a um thei. Kumkim zomi mipa pawl, nunau daan a theh zo mi pawl hnen ah a cang tam. Uric acid a tam tuk nak cu zingzoi tikah then thum thenkhat cu in le ei mi ruangah tiin theih a si.

Ruhcang (gout) nat in ei thawn dam ter ding

1. Tidai in nak

            Tidai innak in thi sung ih um mi uric acid kha zun ihsin a hlon ruangah nikhat ah ti khuat 8 ihsin 10 tiang in aw.

2. Celery

            Celery ci asilole a hnah in uric acid tlak ter theinak a neih ruangah rawl ei phah ah siseh, rawl suan nak ah siseh celery rawi aw. A mu cu khuat thum khuat khat suangin in khal a ngah.

3. Be rah

            Be rah cu a hring ih ei nak asilole be rah a ti nikhat ah 150ml in nak in thatnak tampi ngah a theih a si.

4. Apple

            Apple sungih Malic acid dat cu uric acid a bangran ter ruangah zing sun zan rawl ei theh tinten apple pum khat ei aw. Cu asilole apple ti cu khuai ti zu thawn rawi in in aw.

5. Banhla

            Ruhcang na (gout) nasa tak ih tuar caan ah nikhat ah banhla 1 ni li a peh in ei aw.

6. Dawhhlei le tanphayu

            Dawhhlei le tanphayu sungih Vitamin C dat pawl in ruhcang pawl an cak ter lawng siloin uric acid kha a bangran ter ruangah dawhhlei ti asilole tanphauu ti kha cini le cite tel loin in aw.

7. Thurban

            Uric acid bangran ter tu a mal zet mi bromelain a tel mi thurban cu ruhcang thling a zia ter ruangah gout naa a can caan ih thurban ei nak cu ruhcang thling a zia ter.

8. Hnuhnun kuh

            Hnuhnun kuh cu a hlumhlum in tuah mi suang awla laphet ro thawn in aw.

Uric acid a mal ter tu ding ei le in pawl, ei tul mi in ei pawl,  

1. Pan kawpi hring – fanghma

            Pan kawpi hring le fanghma pawl cu thi sungah uric acid tamtuk nak le ruh pawl kiangkap ih uric acid cang nak a mal ter.

2. Banhla

            Banhla cu Uric acid mal dingah a tha bik mi rah a si.

3. Mungla tawba sen(Carrot)

            Mungla tawba sen ei ringring asile ruhnat nak a kham vekin harhdamnak khal a tha ter.

4. Cherry rah

            Anthocyanin tiih kawh mi dat thang khamnak thilri a tel ruangah cherry rah cun uric acid a mal ter thei. Acid kiangih um mi crystals cang lo dingah a kham thei.

5. Tidai

            Tidai tuletu in nak cu uric acid a mal ter lawng siloin taksa ihsin hlon mi thil le tur pawl khal a hlon thei.

6. Apple

            Apple cu hmanhman ei tikah taksa kha detox a cang ter ih hleiah a hlei mi uric acid pawl a hlon thei.

7. Celery tum pawl

            Uric acid pawl tiin a cang thei mi thil tha lo ihsin a kham thei. Uric acid khal a mal ter thei.

8. Khasuan sen

            Taksa ihsin uric acid pawl hlon in uric acid tamtuk ruangah a cang thei mi thil tha lo pawl cu khasuan sen in a bawm thei.

9. Tisa

            Tisa punghman in asile ruhcang naa a kham vekin thi sung Uric acid than nak khal a kham sak.

10. Dawhhlei, tanphaya, tanpahyu

            Hivek rah phun citric acid a tel mi rah pawl ei nak in taksa sung ih uric acid tamtuk nak a kham thei.

11. Berry rah pawl

            Berry rah pawl punghman ei asile taksa ah uric acid tampi pung nak a kham thei.

Gout nat nei tu pawl hrangih hrial ding mi in ei pawl

1. Sa sungkua pawl, tahthimnak ah sa thin, sa lung, sa thluak, sa ril le a pumpi

2. A sen zawng asimi sa pawl, tahthimnak ah sia sa, me sa, caw sa

3. Tipi sungin ngah mi, nga bawm (ngatinbuu) pawl cu purine tiih kawh mi dat phunkhat a tel ruangah uric acid a tam ter.

4. Nikhat ah in menmen mi juice bu 6 hnakih tam in tu pawl khal uric acid an nei tam. A san cu juice (achuzi) pawl ah a tel mi cini phunkhat asimi fructose ruangah a si.

5. Zu tamtuk in nak khal hrial ding.

6. Coffee khal nikhat ah khuat 2-3 hnakih tam in lo ding.

7. Behrum, kalabe cuvek be pawl ah purine a tel tam ruangah tamtuk ei lo ding a  tul.

8. Vitamin C le D a tel mi tha umnak sii pawl theih tawk in hrial ding. Phu ih lungto umnak a can ter ruangah a si.

9. Hanghnah hangrah ah asile hinnunuai, pan kawpi, paa pawl tampi ei lo ding. Hi thu hi kan taksa tamdeuh in a harhdam theinak ding hrangah Harhdamnak journal thawn pehpar in kan run rel mi a si.

           

Add new comment

13 + 0 =