Soser pai thucah

Soser oai thucah

Soser pai thucah

          Nikhatah nauhak pa pakhat cu namte kiak mi a keng ih soser theu a putar hnenah a ra thleng. “Ka pu ka pu ka pu...” Hei.. Ziangsaw nangkhal mimangbang ter in ziang thu saw um ih” cutikah nauhak pa cu a mitthli a hal ih thil pakhat khat tih vek in “Khi… ka pu mizaan ah lungto ka sat ih a leh rero lai ah ka nam pi a kiak ih ka pu. Ka pa in nam thar na ngah lo len inn ra tlung hlah in ti in bawm aw ka pu nam thar ka ngah lo len inn ka tlung ngam lo” a ti.

         Nang khal le lungto ngerkher nam ih na va sah cu aw…aa.. ka pu khal len hmaisa ah a san ka sat zo si… nam zianghman a can lo ruangah keikhal cui nam ka zum ih lungto kha veikhat ten phel lo ka sat ding ka ti pang si” a ti. Hei… nangkhal len na nam cu ziangvek lawmlam in saw a that ih ziangvek tluk ih tha nam si khal len thilhak tuk mi na sah rero ah cu ziangtluk rei saw a daih thei dingih… cing ringring aw ka tupa… leilung cu cui nam pakhat vek a si kan mah ah sui le ngun sumsaw kan nei, thuneih nak kan neih tinten midangpawl kan duhdaan in kan va tuah thei tin kan ruat ih midang kha na duhdaan in va tuah pang hlah mithu hla na thei hlan ah cu veikhat veihnih cu neh nak na co ko ding asinan a rei ih an thuhla na thei vevo tikah na kom mi pawl ruangah na nun kha an nih in an ziamral thluh ter thei ti cu ka tupa na ralring a tul” tin a sim. Awleh ka pu… ka cing ringring ding a ti. Aw a tha ra aw sothlam sungah kan feh ding keimah lawng ka si ih thir rawh nak meisa ka muah ding ih nangin mei na sem ding a ti.

         A… ka pu khal len kei meisa sa ka tuar thei lo pi. Mei ah rawh lo in hitin ser a ngah cih lo maw ka pu. “Hi fa cuh thusim har ve meisa ah rawh ta lo in hitin kan ser cih len na rak keng mi namkiak cu ka hnen ah cu a let zakhat a cang ding si. Thei ringring aw ka tupa na pu lo sim duh mi pakhat ka nei meisa ah rawh ta lo in nam pakhat kan duhduh in kan rem thei lo vek in harsat nak pakhat hman tong lo in kan nun cu kan duh vek in rem ding a har. Curuangah nu le pa kiang um, an rawl suang cia ei lai mi ka tupa nan hrihruai vek pawl cu meisa ih rawh lo mi namte thawn a bang aw. Tuivek in na pa in a lo ti hi a lo rawh a lo rem thawn bangaw. Ka tupa leitlun ah harsat berdon nak a tam vevo len kan nun ah kan hmuh nak a kau vevo ti a si.

        Cuvek ih kan hmuh a kauh vevo tikah kan nun ah kan rem aw thei vevo ti nak a si. Ka tupa nan nun ah nan harsat nak pawl an mah ten nan pah tlang thei hlan sung cu nam tha te pakhat ngah dingih soser rero rem rero tu kan mah vek in soser tu um lawng ah a canthei vek in ka tupa nan mai hrihruai hrangah fapa sunglawi suak dingin kawk ih nun a lo sim tu nu le pa le saya tha an um a tul a si” a ti. Ka theithiam zo ka pu. Hi mi thu cu sapyimyodaw sungta thawn pehpar ih kan run tarlang mi a si.

Add new comment

5 + 3 =