Thinlung ruahnak puitling mi si dingah

Thinlung ruahnak puitling mi si dingah

1.           Na sim duh lo mi thu an lo sut a si le a lo sut tu ih mit kha zoh awla mithmaipanten hnih san aw.
2.           Lam na sio le na ruangkha ding te in re aw. Na thinlung buai caan le lamzin ih na hmuh mi minung pawl na biak peih lo le na lu sut awla hnihsan aw.
3.           Rualpi ti mi cu na remcang caan a si le a nuam ding. Na remcang lo caan a si le nangmah thawn buai nak a pahtlang ding. Hi mi hi hnilh hlah.
4.           Nangmah ih thu nangmah in botcat aw. A cang lai dingmi zaten tuar thei dingin timtuah aw. Na tuahthok hlan ah leitlun ah sirawk nak reh sii timi a um lo thu nangmah le nangmah ralrin nak pe aw aw.
5.  Na tuah dingmi hnatuan kha na ti theih tawk suah in tuah aw.
6.  Mah le mah kha fate zetah ruah aw awla na mitthlam sung ah cun leitlun pi kha a vatum ve tin ruat aw.
7.  Mi pakhat kha na duh ngaingai a si le zalen nak pe aw, feh ter aw. Rinlo pi in a mah in a lo duh ngaingai a sile na hnen ah a ra kir sal ding.
8.  Mah le mah huhim aw dingin ziangtik hman ah thuhla hawl hlah. Mawhnak dung ih thu phuahcop kha zohman in an ngai peih lo.
9.  Thufiang lo mi ah na thinheng ter hlah. Zo hman in na par ah leiba an nei lo. 10
10. Mi bum hlah. Thudik ti mi cu nikhatkhat ah a langsal theu.
11. Mi zo hman va nautat hlah.
12. A liam cia caan kha na hnilh duh lo khal le a poi lo. Asinan ruahthiam a tul.
13. Nangmah le nangmah na ruahawk vekin ziangtik hman ah na thupi ringring lo.
14. Paisa thawn rem theih mi buai nak hmuahhmuah kha buai nak tin an ti  lo.
15. “Ka lo duh” ti mi tongkam kha ziangtik caan, ziang vek hmun khal ih na tong suak zo a si le na thinlung ngaingai in tongaw. “In ngai thiam aw” ti mi tongkam kha ziangtik caan, ziang vek hmun khal ih na ttong suak zo a sile an mit zo in tongaw.
16. Lenglam zoh men in midang kha ziangtik hmanah an thu va botcat hlah. Na sim duh mi nuamten sim aw. Na ruah ding mi zamrang ten ruat aw.
17. Mah le mah kha cawlhnak caan pe aw awla nangmah ten rori um hnik aw.
18. Mah ih thilri a si lole la hlah. Ziangtluk ih na duh a si khal le tlah phoih thei dingin zuam aw.  
19. Zuamzet ih sun mi ti a um dah lo vekin a hrek lawng zuam nakih hlawhtlin nak ngah ti khal a um dah lo.
20. Mi pathum an um a si le mipakhat kha mah ai in thiamtu a si. Mah ai ih thiam lo tu a um lo.

“Ka zuam hnik rengreng zo maw?” tin mah le mah sut aw aw. Hi mi pawl na thlun thei a si le na thinlung ruahnak a puitling ti nak a si.