Tidai in ih thathnem thu (7) pawl

Tidai in ih thathnem thu (7)pawl

Kan innsangah nuam le dam in kan um theinak dingah tidai tampi in tlang uh si.

            Sii lam thiam nak thawn pehpar aw mi Dr. Thant Zin ih ngan mi thu thawn pehpar aw in mal lai simnak le relnak. Tidai in nak cu nitin tuah mi a ol mi thil a si ruangah a thu pi hleice ah kan ruat lo. Asinan tidai inn nak cu that nak tampi a um thu science lam zingzoi nak in theih a si. Minung pawl ih taksa ah tidai dat cu zatek 60 tel in tuah a si. A hleice ih cell pawl hrangah um lo thie lo ih a tul mi a si. Nikhat ah khuat 8 hrawng in a tul thu an sim. Tidai dat cu taksa sungah malter loin tidaan phunkim in kan in a tul. Tui ih ka run sim vivo dingmi cu tidai tampi in nak ih a that hnem nak pawl an si.

1. Hmel lam a no ter.

            Tidai dat a cem tikah taksa lam thazang a siat ter thei. Ahleice in a harsa mi exercise tuah caan le tikcu sak caan a si. Taksa sung ih tidai dat zatek 2 hrawng a mal hman ah tidai dat mal nak cu theih thiam ding rori in a lang. Taksa a sat daan a thleng awk nak, hna tuan kha thaten tuan thei lo nak, bang nak cutivek pawl a tuar ter a si. Tidai dat tam ter nakin cutivek buai ank ihsin a kham thei ih, thinbang nak a mal ter.

2. Thluak hna tuan nak pawl a tha ter.

            Tidai dat tam le tam lo cu thluak hrang ah tampin that hnem nak a um. Taksa ih zatek 1 ihsian 3 hrawng tidai dat sung hman ah thluak hna tuan nak a siat ter. Zingzoi nak ih an sim nak vekin tidai dat zatek 1.59 a sung tikah ruah nak lam siat suah nak, thinlung bang nak, bang nak cutivek pawl a cang ih hna tuan thei nak khal a mal ter vivo.

3. Lu nat nak kha a zia ter.

            Tidai dat a cem tikah lu nat nak, lu hrek nat nak cutivek buai nak ton a theih. Tikcu a sat tikah tidai tampi in a tul. Tikcu can ruangih tidai dat cem nak, lu nat nak pawl a zia ter ding.

4. Sung pit nak pawl a zia ter.

            Tidai dat a mal tikah sung a pt ih ril lam cangvaih nak tha a mal nak, ek thawh a har nak, sungpit nak cutivek a cang thei. Curuangah tidai tampi in a tul. Ril lam tluan ih thaten a feh nak dingah a si.

5. Phu ih lungto um nak a kham sak thei.

            Phu ih lungto um nak cu zun feh nak ih tatthuh dat thil tha lo pawl khawm ih a cang mi a si. Zun lam ih lungto um nak cu a tam sawn cu kaileng sungah a cang thei. Tidai tampi in nak cu zun feh nak ah tatthuh dat pawl khawl lo dingah a bawm. Cutivekin phu ih lungto um nak kham a theih.

6. Zu rit tuk nak ihsin a zia ter thei.

            Zu tamtuk in nak in umdaan nuam lo a cang ter thei. Alcohol timi zu cu zun tampi a feh ter ih tidai dat a mal ter. Zu in tamtuk asile tidai hal tuk nak, bang nak, lu nat nak, dang car nak cutivek a cang ter. Hitivek cang lo dingah zu in caan khal ah tidai khal in a tul. Ih hlan khalah tidai khuat khat in a tul.

7. Tidai tampi in nak in taksa rih nak mal ter dingah a bawm.

            Tidai tampi in tikah pum a puar ter ih zio can nak khal a rang ter. Zingzoi nak pakhat ah tidai liter hrek in tikah zio can nak zatek 24ihsin 30 le nazi hrek hrawng a rang ter thei thu theih a si. Nikhat ah tidai liter 2 in nak cu 96 calory hrawng a kang ter thei. Rawl ei hlan nazi khuai hrawng ih tidai in nak in pum a puar ter ih calory mal te vial a ei ngah tiah an sim. Tidai thiang in a tha bik. Taksa sung ih a sat a hman kel ten a cang thei nak dingah tidai in tikah tha zang hman bet asi rungah calory kang ter theih a si.

https://www.youtube.com/watch?v=7jhNj-qypLA

 

Add new comment

6 + 3 =