Tong phung phun nga

Tong phung phun nga

         Minung pawl cu nitin in an ttong. Nitin ttong an hman theu mi pawl khal ah a thupi mi pawl hnak in a thupi lo mi tong kha a tam sawn. A thupi lo mi tong kha kan zoh sile tong thlum, ttong tawi,  thlah thlam ih ttong, a hleifuan mi tongkam, ttongsal nak tin tong phun nga aum.

1. Tongthlum

Mi duham pawl kan zoh sile tong tikah thlum ten an tong. Duhham nak thinlung a tam tuk ruangah asi. Curuangah porh ciamco in an tong thlang. Cumi kha “ Tong thlum” tin ti asi.

2. Ttong tawi

Thintawi mi pawl kan zoh sile an ttong tikah tawi ten an tong. An thinsau lo ruangah asi. Curuangah a rak ngai tu pawl hrangah ngai nuam asi nawn lo. Cu mi kha “ Tongtawi” tin ti asi.

3. Ttong raang

Hamtam nak tam tuk tu pawl kan zoh sile an tong tikah menmen in an tong. Ruahnak an nei lo ruangah asi. Curuangah a nepnawi tiang zianghman an ttong lo. Sabek a tlan ih Uico in a dawi vek in tong duh mi lawng an tong bupbo. Cumi kha “ Ttong raang” tin ti asi.

4. Ttong tam

Mi hngal pawl khi kan zoh sile an tong tikah hngal le puarthau zet in an tong. Mah lawng thiam, mah lawng thei a tam ruangah asi. Curuangah zovek minung an si khal le a par lam dinhmun in an tong thlang. Cumi kha “ Ttongtam” tin an ti.

5. Iksiknak ttong

Iksik tu pawl kan zoh sile an tong tikah midang that lo nak lawng an tong. Iksik nak thinlung a tam tuk ruangah asi. Curuangah ziangtik hman ah mi that nak an sim lo. Cumi kha “ Iksiknak”ttong tin an ti.

Ttong tikah midang hnasung ih lut thei ding in a thupi

     Tong tikah midang ngai nuam ding kha a thupi. Midang ngai nuam dingin ttong thlum atul. A sinan tongthlum lawngin a tawk lo, duhdawt nak a thlum ding tla a tul.  Mihrek cu an ttong thlum sinan a si lo mi an ttong. A porh in mi an porh ciamco. Curuangah khuahlan pupa pawl in “ a Thlum le a kawi,a Tawi le a ding” tin an ti nak asi. Pakhat le pakhat tonawk tikah biakawk a sile a tawk zo. Sinan mi hrek cu thinlung tel loin “ Kan tonawk cu lungawi um dan ka lo ton cu mi vantha tak vek ka si” tin an ti cu mi cu a thlum ti hnak in a luar deuh thlang.

            Curuangah ttong tikah tong khal  ttongluar tuk a tha lo. Ttong cu a thlum ko nan duhsaknak kha a thlum lo. Ttongfang ziangtluk in a thlum hmanah a si lolo ttong a si tikah a lenglam men a si. Curuangah ttongtikah ttongthlum khal a tul vekin duhsaknak khal a thlum a tul. Cumi cu duhsaknak ngaingai a si. Curuangah ziangziang a si khal le ttonghlum hmangin a dik mi rel tahrat in thathnemnak nei mi ttongfang pawl cu a tha bik mi an si. Casiar tu zate parah lungawinak tampi kan nei. Kan page ah rak siat ringring ding khal in kan lo sawm.