Ttongkam ih manhlat zia

Ttongkam ih manhlat zia

          Tongkam timi cu kan zoh men a sile mi pakhat ih man thawn a pehpar awlo tin kan ruat men thei nan, mi pakhatih si nak cu an tongkam zoh in kan thei thei asi. Ttong ti mi cu “Tongtamnak in, mai sinak a lang ter” tivek in tongkam mawi lo in minung ih sinak man kha a tla niam ter. thinlung ziangtluk a that khal le awkam a thiamlo ah cun mikawk vek a cang an ti kha cu a hman zet. Tongkam ti mi cu nel awknak kha a suah ter thei bangin thinnat nak, mi huat nak khal laksawng vekin a pe thei thotho. Thinnomnak a suah ter thei vekin mah lawng si nak khal a cang ter thei. Ttong ruangah thazang a cang ter thei vekin ttongkam ruangah beidong nak khal a cang ter thei. “Feh dan thiam le tlan dan thiam pawl cun an pum puar” tivek in awkam thiam lo ah cun tongkam pakhat te in khal kan duhdawt zet mi thawn khal ral ah in cang ter asi.

          Ttong ti mi cu hlawhtlin nakih a hmaisa bik kekar nak a si vekin tlaksiat nakih a thupi bik mi ral khal a si ter thei. Duh aw pawl an co awk theinak dingih lam hmuh tu a si thei vekin duhawk zet hnuih dungtun aw tertu khal ttongkam a si sal theu. Ttongkam ruangah rualpi ah an kai aw ih an nelawk thei vekin tongkam ruangah rualpi dinhmun in theihdah lo mi vek, midang pi ah a cang ter thei.

          Ttongkam ti mi cu ttong daan kan thiamlo tikah kum reipi sung kan rak kilhim mi kan si nak hman, tongkam khat ruangah a siat ral thluh thei. Tong lo theih lo tong a tul khal le tong sual tum hlah “Nam” pakhat in thatnak a suak ter vekih, mahlemah lole midang pawl a siatsuah tu mithat hriamhrei “Nam” pakhat khal a si thei" tin duhsak nak thawn ka lo forhfial asi.