Tuar thei nak neih ding

Tuar thei nak neih ding

          Sunnak ih tuarnak kha tuar theinak na nei zo maw? Hlawhtlinnak ih tuarnak teh tuar thei nak na nei zo maw? Minung dik tak si le leitlun daan ti mi nungram lamzin kha zawh ding cu a si.

          Mai zawh mi lamzin ah hling pawl, dawnkhamnak pawl, harsat nak pawl, peknak pawl a um thei. A thupi bik cu mah in ziangtluk tuar theinak ka nei ti mi a si. Tumram pakhat thleng na duh a si le hmaisa bik ke kar tul asi kha.

          Hlawhtlin na duh a sile tuah thok ngamnak na neih a tul. Fehnak lamzin ah cu nautat hmuh suan nak aw pawl, relsiat nak aw pawl theih ringring ding a si ruangah tuar thei nak na nei zo maw? Farah zet ih kan ra suah cu sual nak a si lo nan farah zet ih thih cu mai sual a si.

          Vate ngaingai a si le thli pah nak lam khalah a zam thei ding. Ngate ngaingai a si le tidai a solam zawng pah nak lam khal ah a feh thei ding. Minung ngaingai a si le leitlun dan khal tuar thei ding. A zuam tu zaten hlawhtling lo nan hlawhtlin nak ti mi cu hmuh lawng a mawi. A mah ih pek nak cu hlawhtlin tu zaten in thaten an thei. Hlawhtlin nak ka ngah hrih lo tin mah le mah sung ter hlah. Mah ih zuam nak thawn a daih hrih lo tla a si thei si.  Ral buai hlan ah thal cem ter hlah. Zuam sung cu hlawhtlin nak thawn a nai aw ding.  

          Ziangvek a cang si khal le tuar thei ding lawng a tul.

#crd