Ziang hman ruah (tuat) cia a theih lo mi cu nun ram a si.

Ziang hman ruah (tuat) cia a theih lo mi cu nun ram a si.

          Nunram ah mi zohman va mawhthluh hlah. Mitha pawl cun kanmah khal lungawi nak in pe. Mithalo cun kanmah kha hmuhton nak in ngah ter.

A tha bik mi minung in kan mah kha hngilh lo nak pawl in tuah sak thei vekin a tha lo bik mi minung in nungram ih zir ding mi pawl in pe. Veikhat veihnihah kan zum bik mi minung in dunglam in nam thawn in dawt caan khal kan tong thei vekin kanmah kha in duh ding ti a ruah hman kan ruah lo mi hnen in duhdawtnak kan co mi khal a um thei. Mai lungawi nak hrangah hrekkhat cu mai tuah sual mi thil khal thei lo vek in kan um san caanah hrek khat cun mai tuah hman tuah lo mi thil pawl in kanmah khal in riahsia ter thei.

          Hrekkhat cun kan tul bik caanah in tansan ko nan, mi hrekkhat cu tlansan dingih dawi rero khal ah mai kiang lawngih um ding a hril tu khal an um.

          Leilung pi cu mi tinkim um nak a si ruangah khui mi kut kha ka thlah dingih khui mi kut kha ka kai hrih ding ti cu thleidan thiam a tul.

          Hi cu nungram a si. Thlah phoih thiam ding khal zir thiam a tul. Kaih hrih ding khal zir thiam a tul. kanmah in ngaih sak tu lawngin kanmah kha ziang aw hman kan suah loin an um hman ah thinlung sung ih kan au ngah mi bawmnak kan dil mi aw khal in theih sak thei a si lo maw.

          Zo in kanmah in ngaih sak ti na thleidang thiam zo maw…?